కులాంతర ప్రేమ వివాహం.. మేడ్చల్‌లో యువకుడి దారుణ హత్య
తెలంగాణ రాష్ట్రంలో ఓ యువకుడు దారుణ హత్యకు గురయ్యాడు. కులాంతర ప్రేమ వివాహం చేసుకున్నందుకు ప్రాణాలు కోల్పోయాడు. దీనిపై స్థానిక పోలీసులు కేసు నమోదు చేసి విచారణ జరుపుతున్నారు. ఈ వివరాలను పరిశీలిస్తే, మేడ్చల్ జిల్లా దూలపల్లికి చెందిన హరీశ్ అనే యువకుడు కొన్ని నెలల క్రితం దూలపల్లికి వచ్చి ఇల్లు కట్టుకుని తన తల్లితో కలిసి ఉంటున్నాడు. ఈయన గతంలో ఆయన ఎర్రగడ్డలో ఉండేవాడు. ఆ సమయంలో ఆయన వేరే వర్గానికి చెందిన యువతితో ప్రేమించాడు. ఈ విషయం యువతి కుటుంబ సభ్యులకు తెలియడంతో పోలీసుల ద్వారా యువకుడిని హెచ్చరించారు. ఆ తర్వాత ఆయన మకాం మార్చినప్పటికీ ఆ యువతితో ప్రేమను కొనసాగించి, ఆ తర్వాత పెళ్లి చేసుకున్నాడు.
ఈ నేపథ్యంలో ఆ యువకుడు రెండు రోజుల క్రితం హత్యకు గురయ్యాడు. నలుగురు యువకులు వచ్చి హరీశ్‌ను కత్తుతో పొడిచి చంపినట్టు పలువురు ప్రత్యక్ష సాక్షులు వెల్లడించారు. తొలుత గుర్తు తెలియని మృతదేహంగా పోలీసులు కేసు నమోదు చేసి విచారణ చేపట్టగా, ఆ తర్వాత ఆ మృతదేహం హరీశ్‌గా గుర్తించారు. వేరే వర్గానికి చెందిన యువతిని పెళ్లి చేసుకోవడంతో హత్య చేసినట్టు పోలీసుల విచారణలో వెల్లడైంది. దీంతో యువతి తల్లిదండ్రులను పోలీసులు అదుపులోకి తీసుకుని విచారణ జరుపుతున్నారు.
