1. వార్తలు
  2. తెలుగు వార్తలు
  3. క్రైం న్యూస్
  4. YouTuber Vaishnavi-s husband Haribabu brutally murdered

10 సెకన్లలో 9 సార్లు కత్తితో దాడి, యూ ట్యూబర్ వైష్ణవి భర్త దారుణ హత్య

Haribabu, Vaishnavi
ఫోటో కర్టెసీ: సోషల్ మీడియా
యూ ట్యూబర్ వైష్ణవి హత్య కేసులో నిందితుడుగా వున్న ఆమె భర్త హరిబాబు దారుణ హత్యకు గురయ్యాడు. నలుగురు గుర్తు తెలియని వ్యక్తులు ఓ వాహనంలో వచ్చారు. వారిలో ఒకరు కారు దిగి హరిబాబు తలపై కేవలం 10 సెకన్ల వ్యవధిలో 9 సార్లు కత్తితో నరికేసాడు. దీనితో అతడు అక్కడికక్కడే మృతి చెందాడు. ఈ దృశ్యాలు సోషల్ మీడియాలో వైరల్ అయ్యాయి.
 
ఈ హత్య గురించి పోలీసులు వెల్లడించిన వివరాలు ఇలా వున్నాయి. నిందితుడు హరిబాబు తన భార్య, యూ ట్యూబర్ వైష్ణవి హత్య కేసులో బెయిల్ పైన బైటకు వచ్చాడు. నిజామాబాదులోని రాజరాజేంద్ర చౌరస్తాలో మక్కబుట్టలు అమ్ముకుంటూ వ్యాపారం చేసుకుంటున్నాడు. మంచినీళ్లు తాగేందుకు పక్కనే వున్న చాట్ బండి వద్దకు వెళ్తుండగా కారులో గుర్తు తెలియని వ్యక్తులు వచ్చారు. కారు నుంచి దిగిన ఓ వ్యక్తి కత్తితో హరిబాబు తలపై పదునైన ఆయుధంతో విచక్షణారహితంగా నరికాడు. దాంతో హరిబాబు అక్కడికక్కడే మృతి చెందాడు.
 
మృతుడు హరిబాబు తన భార్య, యూ ట్యూబర్ వైష్ణవి హత్య కేసులో నిందితుడు. 19 ఏళ్ల వైష్ణవి నాలుగు నెలల గర్భిణిగా వున్న సమయంలో ఆమె గొంతు నులిమి, ఆమె నుదిటిపై అత్యంత దారుణంగా కత్తితో పొడిచి హత్య చేసినట్లు ఆరోపణలు వున్నాయి. వైష్ణవి తండ్రి ఫిర్యాదు చేయడంతో హరిబాబును అరెస్ట్ చేసారు. ప్రస్తుతం అతడు బెయిల్ పైన విడుదలై వచ్చాడు. ఈరోజు అతడిని గుర్తు తెలియని వ్యక్తులు పొడిచి హత్య చేసారు.
About Writer
ఐ వెెంకట్
నేషనల్ ఇనిస్టిట్యూట్ ఆఫ్ ఫ్యాషన్ టెక్నాలజీ(NIFT) హైదరాబాదులో సిపిఎఫ్‌సి కోర్సు చేసారు. జర్నలిజంలో రెండు దశాబ్దాలకు పైగా అనుభవం. కవితలు, కథలు రాస్తుంటారు. ప్రముఖ మీడియా సంస్థలైన ETv, ETv2లో పనిచేసారు. స్వాతి సపరివారపత్రిక, సండే ఇండియన్ మ్యాగజైన్ల ఎడిటోరియర్ విభాగంలో పనిచేసారు. 2006 నుంచి వెబ్ దునియా తెలుగు సహ సంపాదకునిగా వ్యవహరిస్తున్నారు. .... మరింత చదవండి
తర్వాతి కథనం
వీధి కుక్కల సమస్య : మున్సిపల్ అధికారి టేబుల్‌పై కుక్కపిల్లలను వదిలారు...