సూర్యరశ్మికి దూరమయ్యారో... సంతాన సాఫల్యత తగ్గిపోతుందట..
సూర్యరశ్మికి దూరమయ్యే పురుషుల్లో సంతానసాఫల్యత తగ్గిపోతుందని ఆరోగ్య నిపుణులు హెచ్చరిస్తున్నారు. అందుకే సూర్యుని కిరణాలు మానవ శరీరంపై పడాలని వారు సూచిస్తున్నారు. ఎముకసంబంధ వ్యాధులతోబాటు ఇతరత్రా అనేక సమస
సూర్యరశ్మికి దూరమయ్యే పురుషుల్లో సంతానసాఫల్యత తగ్గిపోతుందని ఆరోగ్య నిపుణులు హెచ్చరిస్తున్నారు. అందుకే సూర్యుని కిరణాలు మానవ శరీరంపై పడాలని వారు సూచిస్తున్నారు. ఎముకసంబంధ వ్యాధులతోబాటు ఇతరత్రా అనేక సమస్యలకు విటమిన్-డి లోపమే కారణమని.. అందుకు సూర్యరశ్మిలో కాసేపైనా నిలబడాలని వారు చెప్తున్నారు.
డి విటమిన్కు దీనికీ పురుషుల్లోని సంతానసాఫల్యతకీ కూడా సంబంధం ఉందని తాజా అధ్యయనంలో తేలింది. డి విటమిన్ సప్లిమెంట్లను వాడటం ద్వారా స్త్రీపురుషుల్లో సంతాన సాఫల్యత పెరిగిందట. ఈ సప్లిమెంట్ల వాడకం కంటే రోజు ఉదయం సాయంత్రం పూట సూర్యుని ఎండ శరీరంపై పడేలా పావు గంట నిలబడితే అనారోగ్య సమస్యలు దూరం కావడంతో పాటు పురుషుల్లో, మహిళల్లో సంతాన సాఫల్యత పెరుగుతుందని ఆరోగ్య నిపుణులు అంటున్నారు.
సాధారణంగా డి-విటమిన్ సూర్యకాంతి నుంచీ చేపనూనెల నుంచీ లభ్యమవుతుంటుంది. కానీ ఇటీవల చాలామంది కృత్రిమ కాంతిలోనే జీవితాన్ని గడిపేస్తున్నారు. దాంతో అనేకమందిలో డి-విటమిన్ లోపం తలెత్తుతోంది. ఫలితంగా ఊబకాయం, మధుమేహం, సంతానలేమి వంటి సమస్యలు తప్పట్లేదు. వీటిని దూరం చేసుకోవాలంటే.. సూర్యరశ్మి తప్పకుండా శరీరంపై పడాల్సిందేనని ఆరోగ్య నిపుణులు సూచిస్తున్నారు.
