క్షయకు ఒకే మందు అవిశాకు...

ఆకు కూరలు తినండి.. ఆరోగ్యంగా ఉండండి అంటూ ఎన్నోసార్లు వైద్యులు మనకు చెబుతుంటారు. వైద్యులే కాదు మన ఇంట్లో అమ్మమ్మలు, తాతయ్యలు కూడా ఇదే చెబుతారు. ప్రతిరోజు ఆహారంలో తూచా తప్పకుండా ఆకుకూరలు తినాలని చెబుతుం

ఆకు కూరలు తినండి.. ఆరోగ్యంగా ఉండండి అంటూ ఎన్నోసార్లు వైద్యులు మనకు చెబుతుంటారు. వైద్యులే కాదు మన ఇంట్లో అమ్మమ్మలు, తాతయ్యలు కూడా ఇదే చెబుతారు. ప్రతిరోజు ఆహారంలో తూచా తప్పకుండా ఆకుకూరలు తినాలని చెబుతుంటారు. కానీ ఇప్పటికీ చాలామంది పాటించరు. అసలు ఆకుకూరల్లో అవిశాకు ఎంతో మంచిదని చాలా చెబుతారు. అసలు అవిశాకు వల్ల కలిగే లాభం ఏంటో తెలుసుకుందాం..

అవిశాకు మునగచెట్టును పోలి ఉంటుంది. దీనికి కొమ్మలుండవు. చెట్టు నిలువుగా పెరుగుతుంది. పూత తెల్లగా ఉండి చిక్కుడు పూతను పోలి ఉంటుంది. కాయలు అలచందకాయల వలె పొడవుగా ఉంటుంది. ఆకులు, చింతాకుల ఆకారం కలిగి ఉంటుంది. మంచి వైద్య గుణాలు కలిగిన వృక్షమిది.

క్షయను ఆంగ్లంలో టి.బి. అని, దగ్గు అని పిలుస్తారు. క్షయ త్వరగా నయంకాదు. ఈ జబ్బులు గల వారు డాక్టరిచ్చే మందులు వాడుకుంటూ అవిశాకు రసాన్నివడపోసి వాటిని మూడుమూటలా స్ఫూను చొప్పున రోజుకు రెండు లేక మూడుసార్లు తీసుకుంటే మంచి గుణం కనిపిస్తుంది.

అంతేకాదు అవిశాకు రసం తేనె కలిపి రోజుకు రెండు మూడుసార్లు ఒక స్ఫూను తాగితే మామూలు దగ్గు వెంటనే తగ్గుతుంది. కొందరికి వేడిచేసి కళ్లు ఎరుపెక్కి మిక్కిలి బాధపడుతుంటారు. అలాంటప్పుడు అవిశపూలు మెత్తగా నూరి రసందీసి 3-4 చుక్కలు రాత్రి పడుకునే ముందు కళ్లలో వేస్తే రెండు మూడు రోజుల్లోనే అద్భుతమైన గుణమిస్తుంది. 

అవిశాకులో మేహాన్ని శాంతింపజేసే గుణముంది. దీని ఆకును, పూలనూ సమభాగాల్లో తీసుకొని పప్పులో వేసి ఆహారంలో తీసుకుంటే రేచీకటి, స్త్రీలకు ఏర్పడే బట్టంటు బజ్బు, తెల్లబట్ట, గనేరియా, సెగరోగాలు నశించిపోతాయి.

క్రమం తప్పకుండా అవిశాకు కూరను 15రోజులు ఆహారంగా వాడితే కడుపుతో క్రిములు నశిస్తాయి. వేడి వల్ల విరేచనంలో స్రవించే రక్తపు జీర తగ్గుతుంది. అలాగే అవిశాకును మొత్తగా నూరి, తేలు, ఎలుక, కందిరీగ మొదలైనవి కుట్టినప్పుడు పైన పట్టుగా వేస్తే విషం వెంటనే హరిస్తుంది. దెబ్బలు తగిలి శరీర అవయవాలు వాచినప్పుడు ఆకునే నూరి పట్టు వేస్తే వాపులకు అద్భుతంగా పనిచేస్తుంది.

అవిశాకు రసాన్ని రోజు మార్చి రోజు రెండు మూడు చుక్కలు ముక్కు రంధ్రాల్లో వేస్తుంటే దగ్గు, జలుబు, నెమ్ము శీఘ్రకాలంలో తగ్గిపోతాయి.