బోర్ కొట్టిస్తున్న ఫేస్బుక్.. రారమ్మంటున్న ఇన్‌స్టాగ్రామ్
ఫేస్బుక్ (ముఖ పుస్తకం) పేరు వినని వారుండరు. యూత్‌లో ప్రతి ఒక్కరూ ఫేస్బుక్ ఖాతాను ఉండివుంటుంది. ఫలితంగా ప్రపంచ వ్యాప్తంగా దాదాపు వంద కోట్ల ఖాతాలను కలిగివుంది. అలాంటి ఫేస్బుక్ బోర్ కొట్టిస్తోందట.
ఫేస్బుక్ (ముఖ పుస్తకం) పేరు వినని వారుండరు. యూత్‌లో ప్రతి ఒక్కరూ ఫేస్బుక్ ఖాతాను ఉండివుంటుంది. ఫలితంగా ప్రపంచ వ్యాప్తంగా దాదాపు వంద కోట్ల ఖాతాలను కలిగివుంది. అలాంటి ఫేస్బుక్ బోర్ కొట్టిస్తోందట. ఫేస్‌బుక్‌ను వాడుతున్న యూత్ నెమ్మదిగా ముఖం చాటేస్తున్నారు. ఇది ఫేస్బుక్ యాజమాన్యానికి నిద్రలేని రాత్రులను మిగుల్చుతోంది.
ఫేస్‌బుక్‌ను వాడుతున్న యూత్ నెమ్మదిగా ముఖం చాటేస్తుంటే... కొత్తగా వచ్చిన స్నాప్‌చాట్, ఇన్‌స్టాగ్రామ్‌లను ఆశ్రయిస్తున్నారు. యువ ఖాతాదారులు (25 ఏళ్లలోపు వారు) వైదొలగుతుండగా, పెద్దలు మాత్రమే మిగులుతున్నట్టు ఓ ఆన్‌లైన్ సర్వే వెల్లడించింది. 18 నుంచి 24 ఏళ్ల వయసువారిలో 5.8 శాతం మంది ఫేస్‌బుక్‌ను వదిలేశారని 'ఇమార్కెటర్' రిపోర్టు పేర్కొంది.
ముఖ్యంగా అమెరికాలో ఫేస్‌బుక్‌ను ఈ సమస్య బాధిస్తోందని తెలిపింది. 12 నుంచి 17 సంవత్సరాల వయసువారిలో దాదాపు 6 శాతం మంది, 12 ఏళ్లలోపు వారిలో 9.3 శాతం మంది ఫేస్‌బుక్‌కు టాటా చెప్పారని తెలిపింది. తదుపరి రెండు మూడేళ్ల వ్యవధిలో 25 ఏళ్లలోపున్న ఖాతాదారుల్లో 20 లక్షల మందిని ఫేస్బుక్ ఖాతాలను క్లోజ్ చేయవచ్చని ఆ సంస్థఓ అంచనా వేసింది. కాగా, ప్రస్తుతం యూఎస్‌లో ఫేస్‌బుక్‌కు 16.95 కోట్లు, ఇన్ స్టాగ్రామ్‌కు 10.47 కోట్లు, స్నాప్‌చాట్‌కు 8.65 కోట్ల మంది ఖాతాదారులు ఉన్నారు.
