బాలికపై అత్యాచారం.. శుద్ధీకరణ పేరుతో అరగుండు (వీడియో)
ఛత్తీస్గఢ్ రాష్ట్రంలోని ఓ గ్రామంలో దారుణం జరిగింది. అసలే అత్యాచారానికి గురై కుంగిపోయిన బాధితురాలికి శుద్ధీకరణ పేరుతో అరగుండు గీయించి.. గ్రామ బహిష్కరణ చేశారు.
ఛత్తీస్గఢ్ రాష్ట్రంలోని ఓ గ్రామంలో దారుణం జరిగింది. అసలే అత్యాచారానికి గురై కుంగిపోయిన బాధితురాలికి శుద్ధీకరణ పేరుతో అరగుండు గీయించి.. గ్రామ బహిష్కరణ చేశారు. ఈ మేరకు గ్రామ పంచాయతీ పెద్దలు తీర్పునిచ్చారు. తాజాగా వెలుగులోకి వచ్చిన ఈ వీడియోను పరిశీలిస్తే,
ఛత్తీస్గఢ్ రాష్ట్రంలోని కవర్ధా జిల్లాలో ఓ 13 యేళ్ళ వయసున్న బాలికపై అర్జున్ యాదవ్ అనే కామాంధుడు అత్యాచారం చేశాడు. ఈ విషయం గ్రామ పెద్దల దృష్టికి వెళ్లింది. దీంతో బాధితురాలిని పంచాయితీకి పిలిపించి... శుద్ధీకరణ పేరుతో పంచాయతీ పెద్దలు అరగుండు గీయించారు.
అంతేనా, ఆ బాలికతో ఎవ్వరూ మాట్లాడవద్దని, ఆమె గ్రామ ప్రజలకు దూరంగా ఉండాలని బహిష్కరించారు. కానీ, ఆమెపై అత్యాచారం చేసిన అర్జున్ యాదవ్‌కు మాత్రం ఎలాంటి శిక్ష విధించకపోగా, గ్రామంలో స్వేచ్ఛగా తిరిగేలా తీర్పునిచ్చారు.
ఈ విషయం జిల్లా పోలీసులకు తెలియడంత నిందితుడు అర్జున్ యాదవ్‌ను అరెస్టు చేశారు. ఆ బాలికను బహిష్కరించని పంచాయతీ సభ్యులు పరారీలో ఉన్నారని, వారి కోసం గాలిస్తున్నామని పోలీసులు తెలిపారు.
