చికెన్ టిక్కా తయారీ విధానం...
చికెన్‌లోని విటమిన్స్, మినరల్స్ శరీరానికి కావలసిన పోషక విలువలను అందిస్తాయి. చాలామంది చికెన్ ఆరోగ్యానికి అంత మంచిది కాదని చెప్తుంటారు. కానీ, అలా కాదు.. చికెన్‌లో గల న్యూట్రిషన్స్ వేరే పదార్థాలలో లభించవు. కనుక ఆహారంలో చికెన్ చేర్చుకోవడం మంచిదని నిపుణులు మాట. అయితే రోజూ చికెన్ కూరలే చేయలేం. కాబట్టి చికెన్ టిక్కా ఎలా చేయాలో చూద్దాం.
కావలసిన పదార్థాలు:
చికెన్ - 500 గ్రా
బాదం పప్పు - 30 గ్రా
క్రీమ్ - 10 గ్రా
చీజ్ - 10 గ్రా
గట్టి పెరుగు - 50 గ్రా
పచ్చిమిర్చి - 25 గ్రా
యాలకుల పౌడర్ - 1 స్పూన్
మిరియాల పొడి - 1 స్పూన్
అల్లం, వెల్లుల్లి పేస్ట్ - 1 స్పూన్
ఉప్పు - తగినంత
నూనె - సరిపడా
నెయ్యి - 2 స్పూన్స్
చాట్ మసాలా - 1 స్పూన్
తయారీ విధానం:
ముందుగా బాదం పప్పులను నానబెట్టి పేస్ట్‌లా చేసుకోవాలి. తరువాత పచ్చిమిర్చినీ మెత్తగా రుబ్బుకోవాలి. ఇప్పుడు మరో గిన్నెలో క్రీమ్, చీజ్ వేసి అందులో పెరుగు, బాదం పేస్ట్, యాలుకల పౌడర్, మిరియాల పొడి, పచ్చిమిర్చి పేస్ట్, అల్లం వెల్లుల్లి పేస్ట్, ఉప్పు, నూనె వేసి బాగా కలుపుకోవాలి. కట్ చేసుకున్న చికెన్ ముక్కలను ఆ మిశ్రమంలో కలిపి అరగంట పాటు ఫ్రిజ్‌లో పెట్టాలి. ఆ తరువాత తందూరీలో కుక్ చేసుకోవాలి. ఇలా చేయలేని వాళ్లు బాణలిలో నూనెను పోసి వేడయ్యాక చికెన్ ముక్కలు ఫ్రై చేసుకోవచ్చు. చివరగా నెయ్యి, చాట్ మసాల్ వేసి సర్వ్ చేయాలి. అంతే టేస్టీ అండ్ హెల్తీ చికెన్ టిక్కా రెడీ.
