అక్టోబర్ 10 నుండి 18 వరకు వైభవంగా బతుకమ్మ పండుగ
తెలంగాణ సంస్కృతికి ప్రతీకగా నిలిచే బతుకమ్మ పండుగను అక్టోబర్ 10 నుండి 18 వరకు అత్యంత వైభవంగా నిర్వహించేందుకు ఏర్పాట్లు చేస్తున్నట్లు తెలంగాణ ప్రభుత్వ ప్రధాన కార్యదర్శి సంజయ్ జాజు శనివారం తెలిపారు.
పండుగ ఏర్పాట్లపై ఆయన శనివారం డాక్టర్ బి.ఆర్. అంబేద్కర్ రాష్ట్ర సచివాలయంలో ఉన్నత స్థాయి సమీక్షా సమావేశాన్ని నిర్వహించారు. ఈ సమావేశానికి వివిధ శాఖల కార్యదర్శులు మరియు పోలీసు అధికారులు హాజరయ్యారు.
ఈ సందర్భంగా జాజు మాట్లాడుతూ, అక్టోబర్ 18న ట్యాంక్ బండ్ వద్ద జరిగే సద్దుల బతుకమ్మ వేడుకల్లో పెద్ద సంఖ్యలో మహిళలు అత్యంత వైభవంగా పాల్గొంటారని పేర్కొన్నారు.
