నా భర్త చాలా బాగా వంట చేస్తారు.. లక్కీగా హీరోయిన్ అయ్యా: నమిత

ఓ ఛానల్‌కు ఇచ్చిన ఇంటర్వ్యూలో అందాల ముద్దుగుమ్మ నమిత ఆసక్తికర విషయాలను వెల్లడించింది. ఇటీవలే తన స్నేహితుడు వీరేంద్ర చౌదరిని నమిత పెళ్లాడిన సంగతి తెలిసిందే. తన తల్లి కూడా అందగత్తె అని.. తొలినాళ్లలో సిన

Publish: Mon, 15 Jan 2018 (10:27 IST) Updated: Mon, 15 Jan 2018 (11:00 IST)

ఓ ఛానల్‌కు ఇచ్చిన ఇంటర్వ్యూలో అందాల ముద్దుగుమ్మ నమిత ఆసక్తికర విషయాలను వెల్లడించింది. ఇటీవలే తన స్నేహితుడు వీరేంద్ర చౌదరిని నమిత పెళ్లాడిన సంగతి తెలిసిందే. తన తల్లి కూడా అందగత్తె అని.. తొలినాళ్లలో సినిమాల్లోకి రావడం తన లక్ష్యం కాదని.. మోడల్ కావాలని అనుకున్నానని తెలిపింది. తనకు వండటం రాదని, తన భర్త వీరూ మంచి కుక్ అని తెలిపింది.

సొంతం సినిమాతో ఆడిషన్ కోసం తాను హైదరాబాద్ వచ్చానని, ఆ ఆడిషన్‌కు ఒక్క రోజే మరో 40మంది అమ్మాయిలు కూడా వచ్చారని నమిత తెలిపింది.  తాను సినిమాకు ఎంపిక కాననే అనుకున్నానని... కానీ, లక్కీగా హీరోయిన్‌గా సెలెక్ట్ అయ్యానని వెల్లడించింది. 

సినిమాలతో చాలా బిజీగా ఉన్నప్పటికీ.. పెళ్లి చేసుకుని లైఫ్‌లో సెటిల్ అయిపోవాలనే కోరిక తనకు బలంగా ఉండేదని నమిత చెప్పింది. మంచి జీవిత భాగస్వామి రావాలని కోరుకునేదాన్నని చెప్పింది. ప్రతి అమ్మాయికీ ఉండే ఫీలింగ్స్ అని తెలిపింది. వీర లాంటి మంచి భర్తను పొందడం తన అదృష్టమని నమిత వెల్లడించింది.