మ్యాగీకేసు: మూడు పూటలూ మ్యాగీనే.. విడాకులు కోరిన భర్త

Publish: Mon, 30 May 2022 (16:29 IST) Updated: Mon, 30 May 2022 (16:34 IST)

Noodles

ఆసక్తికరమైన ఓ మ్యాగీకేసు ఇటీవల వెలుగులోకి వచ్చింది. భోజనం వండకుండా మ్యాగీ వండిందని భార్యకు భర్త విడాకుల ఇచ్చాడు. తన భార్యకు మ్యాగీ తప్ప మరేదీ వండటం రాదని తెలుసుకున్నాక ఆమె నుంచి తెగతెంపులు చేసుకోవాలని అనుకున్నాడు. అల్పాహారం, భోజనం ఏవీ చేయడం తెలియవని తెలియడంతో ఆమె నుంచి విడాకులు కోరాడు. 

ఈ కేసును విచారించిన న్యాయమూర్తి ఎంఎల్ రఘునాథ్ దీనిని "మ్యాగీ కేసు"గా అభివర్ణించారు, మహిళ ప్రొవిజన్ స్టోర్‌కు వెళ్లి మ్యాగీని మాత్రమే కొనుగోలు చేస్తుందని.. మరే వస్తువులను వండటం కోసం కొనదని భర్త ఫిర్యాదు చేశాడు. మూడు పూటలూ మ్యాగీ మాత్రమే వడ్డిస్తుందని వాపోయాడు. ఈ జంట పరస్పర అంగీకారంతో విడాకులు తీసుకున్నారని రఘునాథ్ తెలిపారు.  ఇటీవల విడాకుల కేసులు పెరిగాయని రఘునాథ్ తెలిపారు. 

అలాగే వంట చేయడం అనేది ఒక ప్రాథమిక జీవన నైపుణ్యం, దీనిని ప్రతి ఒక్కరూ తమ కోసం ఎలా చేయాలో తెలుసుకోవాలని రఘునాథ్ చెప్పారు. 

కాగా ఇటీవల తన భార్య మటన్ కర్రీ వండడం లేదని ఫిర్యాదు చేయడానికి 100 సార్లు డయల్ చేసిన తెలంగాణకు చెందిన వ్యక్తిని అదుపులోకి తీసుకున్నారు. ఇతడు కనగల్ మండలం చర్ల గౌరారం గ్రామానికి చెందిన నవీన్ అని తేలింది. ఇతడు మద్యం మత్తులో ఆ పని చేశాడని తేలింది.