నా భార్య గర్భవతి.. ఆమెకు, నాకు.. ఒకరే తండ్రి.. ఏం చేయమంటారు..?
ప్రేమించి వివాహం చేసుకున్న భార్య తన సోదరి అని తెలియరావడంతో.. ఆ భర్త షాకయ్యాడు. ఈ ఘటనకు సంబంధించిన వార్త ప్రస్తుతం నెట్టింట వైరల్ అవుతోంది. వివరాల్లోకి వెళితే.. ఇంగ్లండ్‌కు చెందిన 24 ఏళ్ల ఓ యువకుడు సోషల్ మీడియాలో ఓ పోస్టు చేశాడు.
అందులో "నేను, నా భార్య ప్రేమించి వివాహం చేసుకున్నామని, ప్రస్తుతం నా భార్య గర్భంతో వుంది. ఆమెకు డీఎన్ఏ టెస్టు చేయిస్తే.. ఆ టెస్టులో ఆమె తనకు సోదరి అని తేలిందని వివరించాడు. నాకు నా భార్యకు ఒకటే తండ్రి'' అంటూ పోస్టు చేశాడు.
ఆ తర్వాత ఇద్దరం వేర్వేరుగా టెస్టులు చేయించుకున్నాం. "భార్య తల్లికానీ, నా తల్లి కానీ తండ్రి గురించిన నిజం చెప్పలేదని''.. వెల్లడించాడు. ఈ నిజం తెలిసినా తమ అనుబంధం మారదని సదరు యువకుడు తెలిపాడు. మమ్మల్ని విడదీయలేరు. అయినా పుట్టే బిడ్డకు ఏమైనా అవుతుందేమోనని భయంగా వుంది. ప్రస్తుతం మేం ఏం చేయాలో తెలియట్లేదని వాపోయాడు.
మేం ఏం చేయాలని సూచనలు అడిగాడు. ఈ పోస్టుకు చాలామంది సూచనలు చేశారు. కొందరు నెటిజన్లు ప్రేమానుబంధంతో జీవితంలో ముందుకు సాగండి. ఇద్దరూ కలిసి సంసారం చేయండి.. బిడ్డను కూడా పెంచుకోండి అంటూ కామెంట్స్ చేస్తున్నారు. మరికొందరైతే ఈ విషయాన్ని ఇద్దరి తల్లులకు తెలియకుండా చూసుకోండని సూచనలు ఇస్తున్నారు.
