చుండ్రుతో బాధపడుతున్నారా? ఈ చిట్కాలు పాటిస్తే...
చుండ్రు అనేక కారణాల వలన వస్తుంది. దీంతో తలపై ఉన్న చర్మం పొట్టుగా మారి చుండ్రులా రాలుతుంది. ఒత్తిడి, మానసిక ఆందోళన, దీర్ఘ కాలిక అనారోగ్య సమస్యలు, పోషణ లోపం వంటి కారణాలే చుండ్రు రావడానికి కారణమవుతున్నాయి. చుండ్రును సమర్థవంతంగా తొలగించుకోవడానికి ఈ చిట్క
చుండ్రు అనేక కారణాల వలన వస్తుంది. దీంతో తలపై ఉన్న చర్మం పొట్టుగా మారి చుండ్రులా రాలుతుంది. ఒత్తిడి, మానసిక ఆందోళన, దీర్ఘ కాలిక అనారోగ్య సమస్యలు, పోషణ లోపం వంటి కారణాలే చుండ్రు రావడానికి కారణమవుతున్నాయి. చుండ్రును సమర్థవంతంగా తొలగించుకోవడానికి ఈ చిట్కాలు పాటిస్తే మంచి ఫలితాలను పొందవచ్చును.
వేపాకులతో తయారుచేసిన హెయిర్ ఆయిల్‌ను వాడితే మంచిది. దీంతో చుండ్రు పోవడమే కాకుండా జుట్టుకు పోషణ అందుతుంది. తద్వారా శిరోజాలు దృఢంగా ఒత్తుగా పెరుగుతాయి. కొబ్బరినూనెలో కొద్దిగా ఆముదమును కలుపుకుని కాసేపు మరిగించాలి. ఆ మిశ్రమం చల్లారిన తరువాత ఆ నూనెను వెంట్రుకలకు రాసుకోవాలి. ఇలా వారంలో మూడుసార్లు చేస్తే మంచి ఫలితం లభిస్తుంది.
మెంతులను రాత్రంతా నానబెట్టి ఉదయాన్నే వాటిని మెత్తని పేస్ట్‌లా తయారుచేసుకోవాలి. ఈ పేస్ట్‌ను జుట్టుకు పట్టించి అరగంట తరువాత తలస్నానం చేయాలి. ఇలా వారంలో రెండుసార్లు చేయడం వలన చుండ్రు బాధ తప్పుతుంది. వేపాకులు నీటిలో మరిగించి చల్లారిన తరువాత ఆ నీటితో తలస్నానం చేస్తే కూడా చుండ్రు పోతుంది. కలబంద గుజ్జుతో జుట్టుకు మర్దనా చేసుకుని తలస్నానం చేస్తే చుండ్రు సమస్యలు తగ్గిపోతాయి.
ఒక కప్పు గోరు వెచ్చని నీటిలో స్పూన్ టీ ట్రీ ఆయిల్‌ను కలుపుకుని జుట్టుకు మర్దనా చేయాలి. అరగంట తరువాత తలస్నానం చేయాలి. దీంతో చుండ్రు తొలగిపోతుంది. తులసి ఆకులను, ఉసిరి కాయలను కలిపి పేస్ట్‌లా చేసుకోవాలి. ఈ మిశ్రమాన్ని జుట్టుకు పట్టించి మృదువుగా మర్దనా చేయాలి. గంట సేపు తరువాత కడిగేయాలి. ఇలా చేయడం వలన చుండ్రు సమస్యల నుండి విముక్తి చెందవచ్చును.
