నెల్లూరు రాంపూర్ ఘాట్‌లో కనిపించిన రెండు చిరుత కూనలు

Written By: సెల్వి

Updated: Sat, 31 Oct 2026 (09:25 IST)

cubs

నెల్లూరు జిల్లాలోని రాపూరు ఘాట్ రోడ్డు పక్కన ఉన్న చిన్న గోడపై రెండు చిరుతపులి పిల్లలు కనిపించాయి. దీనిని గమనించిన ప్రయాణికులు, వాహనదారులు ఆందోళనకు గురయ్యారు. రాజంపేట వైపు వెళ్తున్న బస్సులోని ప్రయాణికులు ఈ చిరుత పిల్లలను చూసి, ఇతరులను అప్రమత్తం చేశారు. 

ఇటీవల కాలంలో ఈ ప్రాంతంలో చిరుతపులులు తరచుగా కనిపిస్తున్నాయని ప్రయాణికులు తెలిపారు. అడవి జంతువుల ఉనికి పట్ల ఆందోళన చెందిన ప్రయాణికులు, వాహనదారులు భయాందోళనకు గురయ్యారు. 

ముఖ్యంగా తెల్లవారుజామున, రాత్రి వేళల్లో ఈ మార్గంలో ప్రయాణించే వారికి, ఇలా తరచుగా చిరుతపులులు కనిపిస్తుండటం భద్రతాపరమైన ఆందోళనలను కలిగిస్తోందని వారు పేర్కొన్నారు.