రిలయన్స్ జియో ప్లాట్‌ఫారమ్స్ ఐపీఓ కోసం బిడ్డింగ్.. అక్టోబర్ 21 నుంచి ప్రారంభం
Jio IPO
నేషనల్ స్టాక్ ఎక్స్ఛేంజ్‌కు రాసిన లేఖలో కంపెనీ సెక్రటరీ అండ్ కంప్లయన్స్ ఆఫీసర్ సావిత్రి పరేఖ్ ఏం చెప్పారంటే.. "ఇది మా జూన్ 19, 2026 నాటి డిస్క్లోజర్‌కు కొనసాగింపుగా, దీనిలో కంపెనీ అనుబంధ సంస్థ అయిన జియో ప్లాట్‌ఫామ్స్ లిమిటెడ్ (జేపీఎల్) తన ఇనీషియల్ పబ్లిక్ ఆఫర్‌కు సంబంధించి డ్రాఫ్ట్ రెడ్ హెర్రింగ్ ప్రాస్పెక్టస్ (డీఆర్‌హెచ్‌పీ) ను దాఖలు చేసింది. ఇది ఒక్కొక్కటి ఫేస్ వాల్యూ రూ.10 విలువ కలిగిన 27,00,00,000 (ఇరవై ఏడు కోట్లు) ఈక్విటీ షేర్ల వరకు తాజా ఇష్యూ (ఫ్రెష్ ఇష్యూ) ద్వారా ఐపీవో.. ఆగస్టు 28, 2026 నాటి డిస్క్లోజర్‌లో డీఆర్‌హెచ్‌పీపై సెబీ నుండి అబ్జర్వేషన్ లెటర్ అందినట్లు తెలియజేయడం జరిగింది.
ఈ నేపథ్యంలో బుధవారం అక్టోబర్ 14, 2026న, ఐపీవో కోసం అక్టోబర్ 14, 2026 నాటి రెడ్ హెర్రింగ్ ప్రాస్పెక్టస్ (ఆర్‌హెచ్‌పీ) ను అహ్మదాబాద్‌లోని గుజరాత్ రిజిస్ట్రార్ ఆఫ్ కంపెనీస్‌కు దాఖలు చేసింది. ఈ ఐపీవోలో JPL ఈక్విటీ షేర్లకు రిజర్వేషన్ ఉంది. అర్హత కలిగిన ఉద్యోగుల (RHPలో నిర్వచించిన విధంగా) సబ్‌స్క్రిప్షన్ కోసం రూ. 500 కోట్లకు మించని విలువకు,
అర్హత కలిగిన RIL వాటాదారుల సబ్‌స్క్రిప్షన్ కోసం రూ. 2,500 కోట్లకు మించని విలువకు, అంటే కంపెనీ పబ్లిక్ ఈక్విటీ వాటాదారులు అయిన వ్యక్తులు, హెచ్‌యూఎఫ్‌లు జేపీఎల్ ద్వారా ఆర్‌హెచ్‌పీ దాఖలు చేసిన తేదీ నాటికి, అంటే అక్టోబర్ 14, 2026 నాటికి, వర్తించే చట్టాలు, నియమాలు, నిబంధనలు, మార్గదర్శకాల ప్రకారం ఐపీవోలో పెట్టుబడి పెట్టడానికి అర్హత లేని వ్యక్తులను మినహాయించి.. యాంకర్ ఇన్వెస్టర్ బిడ్డింగ్ తేదీ సోమవారం, అక్టోబర్ 19, 2026గా పేర్కొనడం జరిగింది.
ఐపీవో సబ్‌స్క్రిప్షన్ కోసం బుధవారం, అక్టోబర్ 21, 2026న ప్రారంభమై శుక్రవారం, అక్టోబర్ 23, 2026న ముగుస్తుంది. ఇందులో భాగంగా జేపీఎల్ బోర్డ్ ఆఫ్ డైరెక్టర్ల ఐపీవో కమిటీ, అక్టోబర్ 14, 2026న జరిగిన తన సమావేశంలో, ఐపీవో కోసం ప్రైస్ బ్యాండ్, ఎంప్లాయీ డిస్కౌంట్, కనీస బిడ్ లాట్‌ను క్రింద వివరించిన విధంగా ఆమోదించింది.
ప్రైస్ బ్యాండ్: ఒక్కో ఈక్విటీ షేర్‌కు ఫ్లోర్ ప్రైస్ రూ. 1,065 నుండి క్యాప్ ప్రైస్ రూ. 1,119 వరకు.
ఎంప్లాయీ డిస్కౌంట్: ఎంప్లాయీ రిజర్వేషన్ పోర్షన్ కింద బిడ్ చేసే అర్హత కలిగిన ఉద్యోగులకు ఒక్కో ఈక్విటీ షేర్‌కు రూ. 54 డిస్కౌంట్.
బిడ్ లాట్: ఒక్కొక్కటి రూ. 10 ముఖ విలువ కలిగిన 12 ఈక్విటీ షేర్లు (కనీస బిడ్ లాట్). ఆ తర్వాత ఒక్కొక్కటి రూ. 10 ఫేస్ వాల్యూ కలిగిన 12 ఈక్విటీ షేర్ల గుణిజాలలో ఇవ్వడం జరుగుతుంది.
