నవంబర్ 12, 2025: కాలభైరవ జయంతి.. కాలభైరవ అష్టకాన్ని ఎనిమిది సార్లు పఠిస్తే?

Written By: సెల్వి

Updated: Tue, 11 Nov 2025 (21:53 IST)

Kalabhairava Astakam

కాలభైరవ అష్టకం 

దేవరాజ సేవ్యమాన పావనాంఘ్రి పంకజం 

వ్యాలయజ్ఞ సూత్రమిందు శేఖరం కృపాకరం 

నారదాది యోగివృంద వందితం దిగంబరం

కాశికా పురాధినాథ కాలభైరవం భజే 

భానుకోటి భాస్వరం భవాబ్ధితారకం పరం

నీలకంఠం ఈప్సితార్థ దాయకం త్రిలోచనం

కాలకాలం అంబుజాక్షం అక్షశూలం అక్షరం 

కాశికా పురాధినాథ కాలభైరవం భజే

శూలటంక పాశదండ పాణిమాది కారణం

శ్యామకాయం ఆదిదేవం అక్షరం నిరామయం

భీమవిక్రమం ప్రభుం విచిత్రతాండవప్రియం 

కాశికా పురాధినాథ కాలభైరవం భజే

భుక్తిముక్తిదాయకం ప్రశస్తచారు విగ్రహం 

భక్తవత్సలం స్థితం సమస్తలోకవిగ్రహం 

వినిక్వణన్ మనోజ్ఞహేమకింకిణీ లసత్కటిం 

కాశికా పురాధినాథ కాలభైరవం భజే

ధర్మసేతుపాలకం త్వధర్మమార్గనాశకం 

కర్మపాశ మోచకం సుశర్మదాయకం విభుం

స్వర్ణవర్ణశేషపాశ శోభితాంగమండలం 

కాశికా పురాధినాథ కాలభైరవం భజే 

రత్నపాదుకా ప్రభాభిరామ పాదయుగ్మకం 

నిత్యం అద్వితీయం ఇష్టదైవతం నిరంజనం

మృత్యుదర్పనాశనం కరాళదంష్ట్రమోక్షణం 

కాశికా పురాధినాథ కాలభైరవం భజే  

అట్టహాస భిన్నపద్మజాండకోశ సంతతిం 

దృష్టిపాతనష్టపాప జాలముగ్రశాసనం 

అష్టసిద్ధిదాయకం కపాల మాలికంధరం

కాశికా పురాధినాథ కాలభైరవం భజే

భూతసంఘనాయకం విశాలకీర్తిదాయకం 

కాశివాసలోక పుణ్యపాపశోధకం విభుం

నీతిమార్గకోవిదం పురాతనం జగత్పతిం 

కాశికా పురాధినాథ కాలభైరవం భజే

కాలభైరవాష్టకం పఠంతి యే మనోహరం 

జ్ఞానముక్తిసాధనం విచిత్రపుణ్యవర్ధనం 

శోక మోహ దైన్య లోభ కోప తాప నాశనం 

తే ప్రయాంతి కాలభైరవాంఘ్రి సన్నిధిం ధ్రువం

ఇతి శ్రీమచ్ఛంకరాచార్యవిరచితం కాలభైరవాష్టకం సంపూర్ణం 

కాలభైరవ జయంతి నవంబర్ 12, 2025న పురస్కరించుకుని ఈ కాలభైరవ అష్టకాన్ని ఎనిమిది సార్లు పఠించిన వారికి ఈతిబాధలు వుండవు. కాల భైరవ అష్టకం అనేది రక్షణ, క్రమశిక్షణను ప్రార్థించే పవిత్ర శ్లోకం. కాశీలో, భైరవుడు ధర్మానికి ఉగ్ర సంరక్షకుడిగా కాల స్వరూపుడిగా నిలుస్తాడు.

 స్కంద పురాణం చెప్పినట్లుగా, ఆయన శివుని కోపం నుండి బ్రహ్మ గర్వాన్ని అణచివేయడానికి ఉద్భవించి కాశీకి వచ్చాడు. అక్కడ ఆయన ఈ భూమికి శాశ్వత రక్షకుడయ్యాడు. ఇందులోని ప్రతి శ్లోకం కాలం ముందు వినయంగా జీవించాలని మనకు గుర్తు చేస్తుంది.