Moong Dal- పెసలు ప్రతిరోజూ తినవచ్చా? (Video)
పెసలు తీసుకోవడం వల్ల కొలెస్ట్రాల్ స్థాయిలను తగ్గించుకోవచ్చు. ఇవి గుండె జబ్బుల ప్రమాదాన్ని తగ్గిస్తాయి. డయాబెటిస్కు ఆరోగ్యకరమైన ప్రోటీన్ రక్తంలో చక్కెర స్థాయిలను నియంత్రించడంలో సహాయపడుతుంది. బరువును నియంత్రించుకోవాలనుకునేవారికి పెసలు మంచి ఆహారం. వీటిలో బి విటమిన్ పుష్కలంగా వుంటుంది.
సులభంగా జీర్ణమయ్యే విధంగా రాత్రిపూట కొద్దిగా పెసలు తీసుకోవచ్చు. ఉడికించిన పెసల్లో విటమిన్స్, ప్రోటీన్స్, మినరల్స్ శరీరో రోగనిరోధకశక్తిని పెంచుటకు సహాయపడుతాయి. అంతేకాకుండా వీటిలోని విటమిన్స్ హోర్మోన్లను ప్రేరేపించడంలో, పిల్లల పెరుగుదలకు తోడ్పడుతాయి. వయస్సు పెరిగిపోతుందని బాధపడకుండా రోజువారి ఆహారంలో పెసల్ని క్రమంతప్పకుండా తీసుకుంటే వారి అసలు వయస్సు కన్నా పదేళ్లు తక్కువగా కనిపిస్తారు. ఈ పెసల్లోని కాపర్ చర్మం ముడతలు పడకుండా చేస్తుంది.
హైబీపీ రోగులకు పెసలు చాలా మంచివి. వీటిని ఉడికించే ముందుగా వాటిలో కాస్త ఉప్పు వేసి ఉడికించాలి. ఇలా ఉడికిన వాటిని రోజూ సేవిస్తే హైబీపీ అదుపులో ఉంటుందని ఆరోగ్య నిపుణులు సూచిస్తున్నారు. పెసల్లోని ఐరన్ శరీర అవయవాలకు కావలసిన ఆక్సిజన్ సమృద్ధిగా అందిస్తుంది. దీని ఫలితంగా జ్ఞాపకశక్తి వంటి లోపాలు తొలగిపోతాయి.
పెసల్లో క్యాలరీలు చాలా తక్కువ. వీటిల్లోని ఫైబర్ పదార్థం జీర్ణవ్యవస్థను మెరుగుపరుస్తుంది. దీని ఫలితంగా ఊబకాయం వచ్చే అవకాశాలు చాలా తక్కువగా ఉన్నాయని వెల్లడైంది. చెడు కొలెస్ట్రాల్ను తగ్గిస్తాయి. పెసల్లోని క్యాల్షియం ఎముకల బలానికి మంచిగా దోహదపడుతాయి. పెసలు రోజూ తగు మోతాదులో తీసుకుంటే ఎలాంటి సమస్య వుండదు. అధిక మోతాదు ఏదైనా అనర్థాన్ని కలిగిస్తుంది.
