లోబీపీని దూరం చేసే చికెన్ జీడిపప్పు కూర..!
క్యాన్సర్, గుండెపోటు, లోబీపిని నియంత్రించే జీడిపప్పుతో టేస్టీ చికెన్ గ్రేవీ ఎలా చేయాలో చూద్దాం..
కావలసిన పదార్థాలు :
చికెన్ - అర కేజీ
ఉల్లి పాయ తరుగు - రెండు కప్పులు
అల్లం, వెల్లుల్లి పేస్ట్ - అర కప్పు
జీడిపప్పు - 8
కారం - ఒక టీ స్పూన్
కొత్తిమీర పొడి - అర టీ స్పూన్
పసుపు పొడి- కొంచెం
మిరియాల పొడి - అర టీ స్పూన్
జీలకర్ర పొడి - అర టీ స్పూన్
సోపు - పావు టీ స్పూన్
గసగసాలు - పావు టీ స్పూన్
దాల్చిన చెక్క - నాలుగు
ఏలకులు - 2
పుదీనా, కొత్తిమీర తరుగు- 2
నూనె- నాలుగు టీ స్పూన్లు
నిమ్మరసం - అర టీ స్పూన్
పెరుగు - ఒక టేబుల్ స్పూన్
ఉప్పు - తగినంత
పాలు - రెండు స్పూన్లు
తయారీ విధానం :
ముందుగా శుభ్రం చేసుకున్న చికెన్లో ఉప్పు, అల్లం వెల్లుల్లి పేస్ట్, జీడిపప్పు పేస్ట్, మిరియాల పొడి, జీలకర్ర పొడి, కారం, కొత్తిమీర పొడి, పెరుగు చేర్చి బాగా కలుపుకుని కాసేపటి వరకు ఊరనివ్వాలి. తర్వాత స్టౌ మీద బాణలిలో నూనె పోసి కాగాక అందులో ఉల్లి తరుగును దోరగా వేయించుకోవాలి.
తర్వాత మసాలాతో ఊరనిచ్చిన చికెన్ను చేర్చి వేయించుకోవాలి. తర్వాత చికెన్ ఉడికేంత వరకు తగిన నీటిని చేర్చి చికెన్ 15 నిమిషాల పాటు బాగా ఉడికాక అందులో కరివేపాకు, కొత్తిమీర చేర్చి దింపేస్తే జీడిపప్పు చికెన్ గ్రేవీ రెడీ.