శివలింగ పుష్పంతో పూజ.. ఫలితాలు.. అష్టైశ్వర్యాలు ఖాయం
Nagalinga Flower
ఈ పుష్పాలతో శివున్ని పూజించడం ప్రతి భక్తునికి ఒక వరం. ఈ పుష్పాలతో శివున్ని పూజించిన వారికి జన్మ రాహిత్యాన్ని పొంది అంతిమమున కైవల్యం పొందుతారని శివ పురాణం చెబుతోంది. శివలింగ చెట్టు ప్రతి భాగంలోనూ శివుడు నెలకొని ఉంటాడని విశ్వాసం. ఈ పుష్పాలు సర్వ దేవతలకు.. ముఖ్యంగా శివుడికి ఎంతో ప్రీతికరమైనవి.
శివ లింగ వృక్షాలు ఎక్కువగా దక్షిణ భారత దేశంలో ఎక్కువగా ఉంటాయి. దీనిని నాగ లింగ వృక్షం అని కూడా అంటారు. ఈ పుష్పాల మధ్య భాగం పడగ విప్పిన సర్పం లాగా ఉంటుంది. ఈ పుష్పాలు పై భాగాన నాగపడగ కప్పినట్టు ఉండి లోపల శివలింగాకృతిలో ఉంటాయి.
Nagalinga Flower
ఈ పుష్పాలను నాగమల్లి, మల్లికార్జున పుష్పాలుగా కూడా పిలుస్తూ ఉంటారు. ఇవి ఎంతో చక్కని పరిమళాన్ని వెదజల్లుతూ ఉంటాయి. ఈ పుష్పాలతో మంగళవారం లేదా శుక్రవారం అమ్మవారికి.. సోమ, గురు, శనివారాల్లో ఈశ్వరునికి సమర్పించడం ద్వారా అష్టైశ్వర్యాలు చేకూరుతాయి.
