శుక్రవారం, 29 మార్చి 2024
  1. ఆధ్యాత్మికం
  2. ఆధ్యాత్మికం వార్తలు
  3. సంక్రాంతి
Written By సెల్వి
Last Updated : శనివారం, 14 జనవరి 2023 (22:44 IST)

సంక్రాంతి.. కాలాష్టమి.. రెండూ ఒకేసారి.. ఏం చేయాలి..

Kalabhairav Jayanti
సంక్రాంతి... కాలాష్టమి అంటే అష్టమి తిథి ఒకేసారి రావడం విశేషం. అందుకే జనవరి 15వ తేదీన సూర్యునితో పాటు కాలభైరవ పూజ చేయాలని ఆధ్యాత్మిక పండితులు అంటున్నారు. 
 
ఉదయం పూట సూర్య భగవానుడిని.. సాయంత్రం పూట కాలభైరవ పూజను చేయడం ద్వారా విశేష ఫలితాలను పొందవచ్చు. ఇంకా సంక్రాంతి రోజున వచ్చే అష్టమి రోజున సూర్య, భైరవులకు వ్రతం ఆచరించవచ్చు. 
 
సూర్యోదయానికి ముందే లేచి శుచిగా స్నానమాచరించి.. నేతితో దీపం వెలిగించాలి.  పాలు నైవేద్యంగా సమర్పించాలి. కాలభైరవ అష్టకాన్ని, ఆదిత్య హృదయాన్ని పఠించాలి. 
 
సాయంత్రం పూట కాలభైరవ ఆలయాన్ని సందర్శించి.. నేతితో దీపం వెలిగించడం ద్వారా సర్వ శుభాలు చేకూరుతాయి. మాంసాహారం తీసుకోకుండా సాత్త్విక ఆహారం తీసుకోవాలి. వీలైతే కాలభైరవునికి అభిషేకానికి పాలు ఇవ్వడం చేయొచ్చు. మిరియాలతో దీపం వెలిగించవచ్చు. 
 
భైరవుడిని ఆరాధించడం ద్వారా పాపాలు హరించుకుపోతాయి. ఆందోళనలు, మానసిక రుగ్మతలు తొలగిపోతాయి. ముఖ్యంగా ఒక వ్యక్తి జాతకంలో శని, రాహువు, కేతు దోషాలుంటే తొలగిపోతాయి. సరైన శుభ ముహూర్తంతో భగవంతుడిని పూజించడం వల్ల దురదృష్టకరమైన ప్రభావాలు కూడా తొలగిపోతాయి. 
 
ఈ పూజ ఒక వ్యక్తి క్రమంగా ప్రశాంతత, శాంతి వైపు ముందుకు సాగడానికి సహాయపడుతుందని ఆధ్యాత్మిక పండితులు చెప్తున్నారు.