1. వార్తలు
  2. తెలుగు వార్తలు
  3. తెలంగాణ వార్తలు
  4. piglet born with elephant like features in nagarkurnool shocks locals

బ్రహ్మంగారి మాటలు నిజమవుతున్నాయా... ఏనుగు పిల్ల ఆకారంలో జన్మనిచ్చిన పంది

piglet born
పోతులూరి వీరబ్రహ్మేంద్ర స్వామి కాలజ్ఞానంలోని పలుకులు నేటి ప్రపంచంలో నిజమయ్యేలా కనిపిస్తున్నాయి. తెలంగాణ రాష్ట్రంలోని నాగర్ కర్నూలు జిల్లాలో ఓ పంది కడపున ఏనుగు పిల్ల ఆకారంలో ఉండే పిల్ల జన్మించింది. జిల్లాలోని పెద్దకొత్తపల్లి మండలం, కార్పాముల గ్రామంలో ఈ సంఘటన వెలుగు చూసింది. గ్రామానికి చెందిన కురాకుల వెంకటయ్య అనే వ్యక్తి పందులను పెంచుతూ జీవనోపాధి పొందుతున్నాడు. 
 
ఇంటి ఆవరణలోనే ఓ చిన్న పందిరి వంటి నిర్మాణంలో పందులను పెంచుతున్నాడు. ఈ పందుల్లోని ఓ పంది.. మొదటి ఈతలో ఏడు పిల్లలకు జన్మనిచ్చింది. దీంతో వెంకటయ్య ఆనందానికి అవధుల్లేకుండా పోయాయి. ఆ సంతోషం ఎంతో సేపు నిలువలేదు. ఏడు పంది పిల్లల్లో ఒకటి అచ్చం ఏనుగు పిల్లను పోలివుండటంతో దిగ్భ్రాంతికు గురయ్యాడు. ఈ విషయం గ్రామంలో పాకిపోయింది. ఆ పంది పిల్ల జన్మించిన కొద్దిసేపటికే ప్రాణాలు కోల్పోయింది. 
 
ఇక ఏనుగు ఆకారాన్ని పోలి ఉన్న పందిపిల్ల అంశం స్థానికంగా ఆశ్చర్యానికి గురిచేస్తోంది. సోషల్ మీడియాలో ఆ పంది పిల్ల చిత్రాలు తెగ వైరల్ అవుతున్నాయి. అయితే అనుహ్యంగా పందిపిల్ల ఏనుగు ఆకారంలో జన్మించడానికి కారణాలను పశు వైద్యులు శోధిస్తున్నారు. జన్యుపరమైన అంశాలా? లేక ఇంకేమైన కారణాలు ఉన్నాయా అన్న కోణంలో ఆలోచిస్తున్నారు. 
About Writer
ఠాగూర్
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
విరుదునగర్ బాణాసంచా ఫ్యాక్టరీలో పేలుడు : 17 మంది మృతి