కీర్తి సురేష్ పాడిన ఫ‌స్ట్ సాంగ్ అదిరింది
నేను శైల‌జ సినిమాతో తెలుగు తెర‌కు ప‌రిచ‌య‌మై... నేను లోక‌ల్ సినిమాతో ప్రేక్ష‌కుల‌ను ఎంతగానో ఆక‌ట్టుకుని..మ‌హాన‌టి సినిమాతో తెలుగు ప్రేక్ష‌కుల హృద‌యాల్లో సుస్థిర స్ధానం సంపాదించుకున్న హీరోయిన్ కీర్తి సురేష్. ప్రస్తుతం ఈ మల‌యాళ ముద్దుగుమ్మ తమిళ స్ట
నేను శైల‌జ సినిమాతో తెలుగు తెర‌కు ప‌రిచ‌య‌మై... నేను లోక‌ల్ సినిమాతో ప్రేక్ష‌కుల‌ను ఎంతగానో ఆక‌ట్టుకుని..మ‌హాన‌టి సినిమాతో తెలుగు ప్రేక్ష‌కుల హృద‌యాల్లో సుస్థిర స్ధానం సంపాదించుకున్న హీరోయిన్ కీర్తి సురేష్. ప్రస్తుతం ఈ మల‌యాళ ముద్దుగుమ్మ తమిళ స్టార్ హీరో విక్రమ్ స‌ర‌స‌న న‌టిస్తోంది. ఈ చిత్రం పేరు సామి స్క్వేర్. సామి చిత్రానికి సీక్వెల్‌గా వ‌స్తోంది. హ‌రి ఈ చిత్రానికి ద‌ర్శ‌క‌త్వం వ‌హిస్తున్నారు. రాక్ స్టార్ దేవిశ్రీ ప్రసాద్ ఈ సినిమాకు సంగీతం అందిస్తున్నారు.
ఇటీవల విడుదల చేసిన ఈ చిత్రం టీజర్‌, ట్రైలర్‌కు మంచి స్పందన లభించింది. ఆగస్టులో సినిమాను విడుదల చేయడానికి సన్నాహాలు చేస్తున్నారు. కాగా ఈ సినిమా కోసం విక్రమ్, కీర్తి గొంతు సవరించి, పాట పాడారు. విక్రమ్ ఇది వరకే పలు పాటలు పాడి, ఆకట్టుకున్న సంగతి తెలిసిందే. కానీ కీర్తి సురేష్ ఆలపించిన తొలి పాట ఇది కావడం విశేషం. ఈ పాటతో ఆమె తనలో మంచి నటే కాదు, గాయని కూడా ఉందని నిరూపించారు. ఈ సందర్భంగా కీర్తి సురేష్ ట్విట్ట‌ర్లో స్పందిస్తూ... సింగ‌ర్‌గా నా తొలి పాటను మీతో షేర్ చేసుకోవడం చాలా సంతోషంగా ఉంది. మీకు నచ్చుతుందని ఆశిస్తున్నా. మీ స్పందన కోసం ఎదురుచూస్తున్నా అంటూ పాట లింక్‌ను షేర్ చేసారు.
