మహిళల వెన్ను నొప్పికి.. భారీ వక్షోజాల సైజులే కారణమా?
చాలా మంది మహిళలు వెన్ను నొప్పితో బాధపడుతుంటారు. ఎన్నో రకాలైన వైద్యం చేయించుకున్నప్పటికీ ఏమాత్రం ఉపశమనం కలగదు. అయితే, తమ వక్షోజాల పరిమాణానికి అనుగుణంగా ఉండే బ్రా ధరిస్తే వెన్నునొప్పి నుంచి ఉపశమనం పొందవచ్చని తాజా పరిశోధనలు వెల్లడిస్తున్నాయి. పెద్ద సైజులో ఉండే వక్షోజాల వల్ల మహిళల మెడ, వీపు, భుజాలలో నొప్పి కలిగే అవకాశం ఉంటుందని వైద్య నిపుణులు చెబుతున్నారు.
మహిళలు ధరిస్తున్న బ్రా సైజులను తనిఖీ చేసి అవి వారి శరీర కొలతలకు తగిన విధంగా ఉన్నాయో లేదో ఒకసారి సరి చూసుకోవాలని సలహా ఇస్తున్నారు. అంతేకాకుండా, కొంతమంది మహిళలను తనిఖీ చేయగా, వారిలో ఏ ఒక్కరూ కూడా తమ శరీర కొలతకు తగిన బ్రాలను ధరించలేదట.
వక్షోజాల బరువును మాత్రమే మోయాల్సిన బ్రాలు భుజాల బరువును మోయవలసి రావడం వల్ల వెన్ను నొప్పి కలుగుతోందని అలెక్స్ చెప్పారు. మహిళలు తమ వెన్ను సైజును నాలుగు అంగుళాల మేరకు తగ్గించి అంచనా వేస్తున్నారని, అదేసమయంలో తమ బ్రా కప్ సైజును మూడు సైజుల వరకు మించి అంచనా వేస్తున్నారని పరిశోధనల్లో వెల్లడైంది.
మహిళల మెడ, వెన్ను నొప్పికి సంబంధించిన సమస్యలు ప్రధానంగా కొలతకు అనుగుణంగా లేని బ్రాలతోటే వస్తున్నాయని చెప్పారు. అందుకనే మహిళలు తమ వక్షోజాల కొలతలకు అనువైన బ్రాలను మాత్రమే ధరించాలని సలహా ఇస్తున్నారు.
