అలాంటివారు గేదె పాలు తాగితే ఏమవుతుంది?

ఆవు పాలనో లేక గేదె పాలనో మనం తాగుతుంటాం. అయితే ఏ పాలు మంచివో తెలుసుకోవాల్సి అవసరం ఎంతైనా ఉంది. ఎందుకంటే ఆవు, గేదె పాలల్లో పోషకాలు అన్నీ ఎక్కువగానే ఉన్నప్పటికీ కేలరీలు, కొవ్వుశాతంలో మార్పు ఉంటుంది. అవి మన శరీరంపై అధిక ప్రభావాన్ని చూపుతాయి.

100 మిల్లీ లీటర్ల ఆవు పాలలో 61 శాతం కేలరీలు, 3.2 గ్రాములు ప్రోటీన్లు 3.4 గ్రాముల కొవ్వు పదార్థం, నీరు 90 శాతం, లాక్టోజ్ 4.7 శాతం, ఖనిజాలు 0.72 గ్రాములు బరువు ఉంటుంది. అదే గేదె పాలలో అయితే 97 శాతం కేలరీలు, 3.7 గ్రాములు ప్రోటీన్లు, 6.9 గ్రాములు కొవ్వు పదార్థం, నీటి శాతం 84, లాక్టోజ్ 5.2 గ్రాములు, ఖనిజాలు 9.79 గ్రాములు ఉన్నాయి. 

మొత్తం మీద ఆవు కొవ్వు శాతం తక్కువగా ఉంటుంది, గేదె పాలలో ఎక్కువ శాతం ఉంటుంది. కనుక దీన్ని బట్టి ఏ పాలు తాగితే మంచిదో మీరే స్పష్టంగా నిర్ణయించుకోవచ్చును. జీర్ణ శక్తి తక్కువగా ఉండే వారు ఆవు పాలనే తాగాలి, సన్నగా బక్క చిక్కిన వారు గేదె పాలు తాగడం ఉత్తమం. అదే లావుగా ఉండి సన్నబడాలనుకునే వారు ఆవు పాలను మాత్రమే తాగాలి. ఏ పాలైనా మితంగానే తాగాలని వైద్యులు తెలుపుతున్నారు.