కొలెస్ట్రాల్ తగ్గాలంటే.. గుడ్డులోని తెల్లసొన బెస్ట్
కొలెస్ట్రాల్ తగ్గాలంటే.. కోడిగుడ్డులోని తెల్లసొనను తీసుకోవాలని ఆరోగ్య నిపుణులు సూచిస్తున్నారు. మాంసాహారులైతే మటన్‌ కన్నా చికెన్‌, చేపల్ని ఎక్కువగా తీసుకోవచ్చు. చేపల్లో ఉండే ఒమెగా త్రీ ఫ్యాటీ ఆమ్లాలు శ
కొలెస్ట్రాల్ తగ్గాలంటే.. కోడిగుడ్డులోని తెల్లసొనను తీసుకోవాలని ఆరోగ్య నిపుణులు సూచిస్తున్నారు. మాంసాహారులైతే మటన్‌ కన్నా చికెన్‌, చేపల్ని ఎక్కువగా తీసుకోవచ్చు. చేపల్లో ఉండే ఒమెగా త్రీ ఫ్యాటీ ఆమ్లాలు శరీరానికి మేలు చేయడమే కాదు, కొలెస్ట్రాల్‌ని కూడా తగ్గిస్తాయి.
కొలెస్ట్రాల్ పెరగకుండా ఉండాలంటే కోడిగుడ్లు తినడం మానేయాలని లేదు. కొన్నాళ్లపాటు గుడ్డులోని తెల్లసొనను మాత్రమే ఎంచుకోవడం ద్వారా బరువు తగ్గవచ్చు. అలాగే సాధారణ బ్రెడ్‌ కన్నా... బ్రౌన్‌ బ్రెడ్‌కు ప్రాధాన్యం ఇవ్వాలి.
కొలెస్ట్రాల్ సమస్య అదుపులోకి వచ్చేవరకూ కొన్నాళ్లు దంపుడు బియ్యాన్నే ఎంచుకోవడం మంచిది. అలాగే చక్కెరను పూర్తిగా తగ్గించి బదులుగా తేనె, బెల్లం వాడాలి. ఇంకా వెన్న తీసిన పాలనే వాడాలి.
పొద్దున టీ, కాఫీ తాగేవాళ్లు వాటికి బదులు గ్రీన్‌టీని ఎంచుకుంటే కొలెస్ట్రాల్ సమస్య చాలా తక్కువ సమయంలో అదుపులోకి వచ్చేస్తుందని ఆరోగ్య నిపుణులు సూచిస్తున్నారు.
