వేరుశెనగ పప్పుతో ఇవన్నీ...
వేరుశెనగ పప్పులు ఈ కాలంలో ఎక్కువగా దొరకుతాయి. బస్సుల్లో, రైళ్ళల్లో ఇంకా ఎక్కడ చూసిన వీటినే అమ్ముతుంటారు. వేరుశెనగ పప్పులో విటమిన్ బి1, బి6, ఫోలిక్ యాసిడ్, మెగ్నిషియం, జింక్ వంటి ఖనిజాలు పుష్కలంగా ఉన్న
వేరుశెనగ పప్పులు ఈ కాలంలో ఎక్కువగా దొరకుతాయి. బస్సుల్లో, రైళ్ళల్లో ఇంకా ఎక్కడ చూసిన వీటినే అమ్ముతుంటారు. వేరుశెనగ పప్పులో విటమిన్ బి1, బి6, ఫోలిక్ యాసిడ్, మెగ్నిషియం, జింక్ వంటి ఖనిజాలు పుష్కలంగా ఉన్నాయి. వీటిని తరచుగా ఆహారంలో చేర్చుకుంటే అనారోగ్య సమస్యలు దరిచేరవని ఆరోగ్య నిపుణులు సూచిస్తున్నారు.
ఈ వేరుశెనగ పప్పులలో రకరకాల వంటకాలు కూడా తయారుచేసుకుంటారు. వీటిని కూర రూపంలో తీసుకుంటే కూడా మంచిదే. కానీ, వేరుశెనగల్లోని విటమిన్స్ పోషక విలువలు వాటిని కూరగా తీసుకున్నప్పుడు శరీరానికి చాలా తక్కువగా లభిస్తాయి. కనుక వీలైనంత వరకు వీటిని కూరలా కాకుండా అలానే తీసుకుంటే మంచి ఫలితం ఉంటుంది.
వేరుశెనగ పప్పులు తీసుకోవడం వలన గుండె సంబంధిత వ్యాధులు వంటి సమస్యలు దరిచేరవని చెబుతున్నారు. ముఖ్యంగా పక్షవాతం వచ్చే అవకాశాలు చాలా తగ్గుతాయని ఇటీవల శాస్త్రవేత్తలు చెబుతున్నారు. శరీరంలోని కొవ్వును, వ్యర్థ పదార్థాలను బయటకు పంపుటకు చక్కగా పనిచేస్తుంది.
