ఉసిరిని ఈ కాలంలో తప్పక తినాలి, ఎందుకో తెలుసా? (video)
ఈ కాలంలో విటమిన్ సి ప్రాధాన్యం ఎక్కువయింది. ఈ విటమిన్ సరిపడినంత వుంటేనే ఆరోగ్యపరంగా, ముఖ్యమంగా కంటిచూపు సమస్య వుండదు. ఇంకా జలుబు తదితర సమస్యలను తగ్గించే గుణం వుంటుంది. ఈ విటమిన్ పుష్కలంగా వున్నవాటిలో ఉసిరిక ఒకటి.
గొంతునొప్పి, జలుబు: విటమిన్ సి గొప్ప మూలం ఉసిరిలో వుంది. 2 టీస్పూన్ల ఆమ్లా పౌడర్‌ను 2 టీస్పూన్ల తేనెతో కలపండి. ప్రభావవంతమైన ఫలితాల కోసం రోజుకు మూడు, నాలుగుసార్లు తీసుకోండి.
మలబద్దకాన్ని తగ్గిస్తుంది: ఫైబర్ అధికంగా ఉండటం వల్ల, మలబద్ధకం సమస్యలను ఉసిరిక అరికడుతుంది.
నోటి పూత: ద్రవ రూపంలో తీసుకుంటే, ఉసిరి నోటి పూతలను కూడా నయం చేస్తుంది. ఆమ్లా రసాన్ని అర కప్పు నీటిలో కరిగించండి, పుక్కిలించండి. సమస్య తగ్గుతుంది.
బరువు తగ్గడానికి: బరువును తగ్గించడానికి మీరు తీవ్రంగా కృషి చేస్తున్నారా? మీ ఆహారంలో ఉసిరికను చేర్చడం వల్ల అద్భుతమైన ప్రయోజనాలు లభిస్తాయి. ఎందుకంటే ఇది జీవక్రియను మెరుగుపరుస్తుంది. వేగంగా జీర్ణక్రియకు సహాయపడుతుంది. తద్వారా బరువు అదుపులో వుంటుంది.
