1. వార్తలు
  2. తెలుగు వార్తలు
  3. జాతీయ వార్తలు
  4. Woman Wants Divorce After Husband

భర్తతో హనీమూన్‌‌కు వెళ్లొచ్చిన భార్య విడాకులు ఇచ్చేసింది.. ఎందుకో తెలుసా?

Divorce
భర్తతో హనీమూన్‌‌కు వెళ్లొచ్చిన భార్య వెంటనే విడాకులు ఇచ్చేసింది. కారణం ఏంటంటే.. హనీమూన్ ట్రిప్‌కు అత్తమామలు, ఆడపడుచులను భర్త తీసుకురావడమే. వివరాల్లోకి వెళితే.. మ్యాట్రిమోనియల్ వెబ్‌సైట్ ద్వారా మీరట్‌కు చెందిన దివ్య, ఢిల్లీలో నివసించే శివమ్ కుమార్‌లకు పెద్దలు పెళ్లి కుదిర్చారు. సింగపూర్‌లో హాస్పిటాలిటీ మేనేజ్‌మెంట్ చదివిన శివమ్.. పెళ్లయిన తర్వాత భార్యతో కలిసి దుబాయ్‌కి హనీమూన్ ప్లాన్ చేశాడు.
 
అయితే భార్యతో పాటు తన తల్లిదండ్రులు, సోదరి, సోదరుడిని కూడా అదే ట్రిప్‌కు తీసుకెళ్లాడు. వివాహం తర్వాత భర్తతో ప్రైవేట్ సమయాన్ని గడపాలని ఆశించిన దివ్యకు అత్తమామలు, ఆడపడుచుతో హనీమూన్ రావడం నచ్చలేదు.
 
హనీమూన్ అనేది దంపతుల వ్యక్తిగత విషయమని, కుటుంబ సభ్యులతో కలిసి వెళ్తే ఆ ప్రయాణ ఉద్దేశమే దెబ్బతింటుందని ఆమె వాదించింది. మరోవైపు తన కుటుంబ సభ్యులను సంతోష పెట్టడానికే తీసుకెళ్లానని, అందులో తప్పేమీ లేదని భర్త వాదించాడు. దీంతో ఇద్దరి మధ్య కౌన్సిలింగ్ నిర్వహించారు. కానీ ఇద్దరూ విడిపోవడానికే మొగ్గు చూపుతుండటంతో త్వరలో వారికి విడాకులు మంజూరు కానున్నట్లు పోలీసులు తెలిపారు. 
About Writer
సెల్వి
Journalist since 2005. Former contributor at Eenadu & Andhra Jyothi Tamil Nadu Editions. Now in Sub Editor, Webdunia.... మరింత చదవండి
తర్వాతి కథనం
నూజివీడులో బెట్టింగ్ బానిస, ఆఫీసులో ఉరి వేసుకుని ఆత్మహత్య