విద్యుత్ స్తంభాన్ని ఢీకొట్టిన కారు.. కిటికీ అద్దాన్ని పగులకొట్టి డ్రైవర్..
రుతుపవనాలు బలపడటంతో భారీ వర్షాల కారణంగా రోడ్లన్నీ జలమయం అవుతున్నాయి. తాజాగా నిజామాబాద్ జిల్లా రెంజల్ మండలంలోని వీరన్నగుట్ట సమీపంలో గురువారం ఒక కారు అదుపు తప్పి విద్యుత్ స్తంభాన్ని ఢీకొట్టింది. స్తంభాన్ని ఢీకొట్టిన తర్వాత ఆ వాహనం పక్కనే ఉన్న వ్యవసాయ పొలంలోకి బోల్తా పడింది.
విద్యుత్ స్తంభాన్ని ఢీకొట్టిన ధాటికి విద్యుత్ తీగలు తెగి కారుపై పడ్డాయి. అయితే, డ్రైవర్ కారు కిటికీ అద్దాన్ని పగలగొట్టి సురక్షితంగా బయటపడగలిగారు. ప్రమాదం గురించి సమాచారం అందుకున్న రెంజల్ పోలీసులు ఘటనా స్థలానికి చేరుకుని దర్యాప్తు చేపట్టారు.

