ఆవేశమైన నిర్ణయాలతో అది పోగొట్టుకున్నా.. రకుల్ ప్రీత్ సింగ్
వరుస విజయాలతో తెలుగు సినీపరిశ్రమలో తనకంటూ ఒక పేరును సంపాదించుకుంది రకుల్ ప్రీత్ సింగ్. యువహీరోలే కాకుండా అగ్రహీరోల సరసన రకుల్ నటించింది. టాప్ హీరోయిన్లలో స్థానం సంపాదించుకుంది. రకుల్ ప్రీత్ సింగ్ ఈ మధ్య కొత్త కొత్త విషయాలను స్నేహితులతో షేర్ చేసుకుంటోందట. అయితే అవన్నీ వ్యక్తిగతమే అయినా తన స్నేహితులే కాబట్టి వారితో తన బాధను, సంతోషాన్ని రెండింటిని పంచుకుంటోందట రకుల్ ప్రీత్ సింగ్.
గత కొన్నిరోజుల నుంచి రకుల్ ప్రీత్ సింగ్ స్నేహితులతో తన బాధను చెప్పుకుంటోందట. ఎవరైనా దర్సకుడు తన వద్దకు వచ్చి కథ చెబితే వెంటనే నటించేస్తానని ఒప్పేసుకుంటుందట. ఇది తనకు చాలా ఇబ్బందులు తెచ్చిపెడుతోందని చెబుతోంది రకుల్. సాధారణంగా అయితే ఎవరు కూడా హడావిడిగా నిర్ణయాలు తీసుకోరు. నా విషయంలో ఎందుకంటే అలాంటి నిర్ణయాలు తీసుకుని చాలా బాధపడుతున్నాను.
ఎన్నో సినిమాలు అలా ఫెయిలై నా కెరీర్‌ను డ్యామేజ్ కూడా చేశాయి. అయినా నేను ఇప్పటికీ మారలేకపోతున్నాను. దర్సకులందరిపైనా నాకు నమ్మకం. కథ అంటే అది మామూలే. కథ విన్నంత మాత్రాన సినిమా సక్సెస్ అవుతుందా... ఫెయిలవుతుందా నేను చెప్పలేను కదా. అందుకే ఇలాంటి నిర్ణయాలు తీసుకుంటున్నానని బాధపడుతూ చెబుతోందట రకుల్ ప్రీత్ సింగ్. ఇలాంటి నిర్ణయాలను మాత్రం ఇక నుంచి ఖచ్చితంగా ఆలోచించి తీసుకోవాలన్న నిర్ణయానికి వచ్చేసిందట రకుల్.
