హీరోలు చేస్తే తప్పు కాదు.. మేం చేస్తే తప్పా..? మితిమీరిన రొమాన్స్ చేశానా?
గీత గోవిందం సినిమా ద్వారా రష్మిక మంచి పేరు కొట్టేలా కనిపిస్తోంది. ఈ సినిమా ఫస్ట్ లుక్, ట్రైలర్లో అమ్మడు తెలుగు ప్రేక్షకులను బాగానే ఆకట్టుకుంది. అర్జున్ రెడ్డి ఫేమ్ విజయ్ దేవరకొండతో అమ్మడు నటిస్తూ యూత్
గీత గోవిందం సినిమా ద్వారా రష్మిక మంచి పేరు కొట్టేలా కనిపిస్తోంది. ఈ సినిమా ఫస్ట్ లుక్, ట్రైలర్లో అమ్మడు తెలుగు ప్రేక్షకులను బాగానే ఆకట్టుకుంది. అర్జున్ రెడ్డి ఫేమ్ విజయ్ దేవరకొండతో అమ్మడు నటిస్తూ యూత్‌ను బాగానే మెస్మరైజ్ చేసేందుకు సై అంటోంది. తెలుగు సినీ ప్రేక్షకులకు పరిచయం కాకముందే కన్నడ నటుడు రక్షిత్ శెట్టితో నిశ్చితార్థాన్ని పూర్తి చేసుకున్న 'గీత గోవిందం' ఫేమ్ రష్మిక మందన, ఈ సినిమా ప్రమోషన్‌లో భాగంగా పెట్టిన కొన్ని పోస్టులపై అభిమానులు ట్రోల్ చేస్తుండగా, రష్మిక సైతం కాస్తంత గట్టిగానే స్పందించింది.
నెటిజన్లకు సోషల్ మీడియాలో ధీటుగా సమాధానం ఇచ్చింది. సినిమాలో విజయ్ దేవరకొండతో ఆమె మితిమీరిన రొమాన్స్ చేసిందని, నిశ్చితార్థం జరిగిన తరువాత సినిమాల్లో నటిస్తూ ఇలా మితిమీరడం అవసరమా? అంటో కొందరు ప్రశ్నించారు. దీనిపై రష్మిక సమాధానం ఇస్తూ, కేవలం పోస్టర్లను చూసి కొందరు ఈ మాటలు అంటున్నారని, నటిగా తాను ఎదుగుతూ ఉంటే చాలామంది తట్టుకోలేకపోతున్నారని ఆరోపించింది. వివాహం చేసుకున్న హీరోలు తెరపై రొమాన్స్ చేస్తే తప్పు కానప్పుడు పెళ్లి తరువాత హీరోయిన్లు రొమాన్స్ చేస్తే తప్పేంటని ప్రశ్నించింది.
