టైస్ చూపిస్తూ యూత్‌ను మురిపిస్తున్న విద్యాబాలన్
నటి విద్యాబాలన్ ఒక‌ప్పుడు సాంప్ర‌దాయ‌మైన పాత్ర‌లు పోషించి నటిగా గుర్తింపు పొందింది. కానీ అంత‌క‌టే గుర్తింపు ఆమె చేసిన`డ‌ర్టీ పిక్చ‌ర్`తో వ‌చ్చింది. ఆ పాత్ర పోషించాక ఆమెను పెళ్ళాడాల‌ని చాలామంది ప్ర‌ముఖులు ఆరాట‌ప‌డ్డారు. ఇక ఆ త‌ర్వాత బోల్డ్ పాత్ర‌లు వేయ‌డం త‌గ్గించింది. తాజాగా `షేర్ని` సినిమాలో ఫారెస్ట్ ఆఫీస‌ర్‌గా క‌నిపించింది. ఇప్పుడు మ‌రింత బోల్డ్‌గా ఆమె త‌న అందాల‌ను చూపిస్తూ బోల్డ్ పాత్ర‌ల‌కు రెడీ అనే సిగ్న‌ల్ ఇస్తోంది.
తాజాగా త‌న సోష‌ల్‌మీడియాలో ఫొటోను షేర్ చేసింది. చెట్టుకు ఆనుకుని వుంటూ, వ‌య్యారాలు ఒల‌క పోస్తూ వున్న ఆ ఫొటోలో త‌న టైస్‌ను చూపించింది. ఇది ప్రముఖ ఫొటో గ్రాఫ‌ర్ డ‌బు ర‌త్నాని కేలండ‌ర్ కోసం షూట్ చేసింది. ఇటీవ‌లే ర‌త్నాని విజ‌య్‌దేవ‌ర‌కొండ ఫొటో షూట్ చేశారు. అంత‌కుముందు స‌న్నీలియోన్ ఫొటో షూట్ చేశాడు. స‌న్నీకైతే ఏకంగా ఓ చెట్టు ఆకు మాత్ర‌మే అడ్డుపెట్టుకుని న‌గ్నంగా వున్న ఫొటో షూట్ అది. మ‌రి విద్యాబాల‌న్‌కు వ‌చ్చేస‌రికి కాస్త సెన్సార్ చూపించాడు. ఈ ఫొటో షూట్ అనంత‌రం ఆమె మాట్లాడుతూ, నా దృష్టిలో ఆడ, మ‌గా ఇద్ద‌రూ స‌మాన‌మే. ఆడ‌పిల్ల ఒంటింటికి ప‌రిమితం అవ్వాల‌నుకోవ‌డం అనాగ‌రిక ఆచారం అంటూ ఘాటుగా స్పందించింది.
