వంటింటిని శుభ్రం చేసుకోండి.. లేకుంటే అనారోగ్యాలు తప్పవండోయ్!
ఆడవారైతే దాదాపు ఎక్కువసేపు వంటింట్లోనే గడుపుతుంటారు. అలాంటి వంటిల్లు శుభ్రంగా లేకపోతే పనిచేయడానికి వీలుపడదు. ముఖ్యంగా వంటింట్లో ఉండే సింక్‌ని రోజూ శుభ్రం చేయకపోయినా, వంటిట్లో చెత్తడబ్బాను నిత్యం కడగకపోయినా రోగకారకాలైన దోమలు, ఈగలు, బొద్దింకలు వంటింట్లో వృద్ధి చెందే ప్రమాదం అధికంగా ఉంది. వంటింటిని సరిగ్గా శుభ్రం చేసుకోకపోతే సింకు నుంచి దుర్వాసను వస్తుంది. దీనివల్ల లేనిపోని రోగాలు వస్తుంటాయి. సింక్‌ మాత్రమే కాకుండా సింక్‌ని శుభ్రంచేయడానికి వాడే వస్తువులను కూడా శుభ్రంగా ఉంచుకోవాలి. అవేంటో ఇప్పుడు చూద్దాం....
వంటింటిని తడిలేకుండా ఎల్లవేళలా పొడిగా, శుభ్రంగా ఉండేట్టు చూసుకోవాలి.
పాత్రలు శుభ్రంచేసే స్పాంజిలను అప్పుడప్పుడా మారుస్తుండాలి. అలాగే డిష్‌ బ్రష్‌తో సింకును శుభ్రం చేసిన తర్వాత బ్రష్‌కు అంటుకుని ఉన్న సూక్ష్మజీవులు నశించడానికి యాంటీ బాక్టీరియల్‌ స్ర్పేని బ్రష్‌పై చల్లాలి. ఈ బ్రష్‌లను డిష్‌వాషర్‌లో వేసి కూడా శుభ్రం చేయొచ్చు.
వంటవండేటప్పుడు చాలామంది తడిచేతులను వేసుకున్న బట్టలకు రుద్దేస్తుంటారు. ఇది అస్సలు మంచి పద్ధతి కాదు. వంట చేస్తున్నప్పుడు చేతికున్న తడిని తుడుసుకునేందుకు విడిగా ఓ వస్త్రాన్ని ఉంచుకోవడం మంచిది.
వంటింటి గట్టుని ఎప్పటికప్పుడూ తుడుస్తూ ఉండాలి.
