కోపాన్ని తగ్గించుకోవాలంటే నూడిల్స్ తీసుకోండి.
చీటికి మాటికి కోప్పడుతున్నారా? పని ఒత్తిడి, ఇంటి పనితో సతమతమవుతున్నారా? ఇతరుల పట్ల గల కోపంతో ఒత్తిడికి లోనవుతున్నారా? అయితే ఈ ఫుడ్స్ తీసుకోండి. కోపాన్ని అదుపు చేసుకోవాలంటే డైట్ ప్లాన్ మార్చాల్సిందేనని తాజా అధ్యయనంలో తేలింది.
అందుచేత అరటి పండ్లను రెగ్యులర్ డైట్‌లో చేర్చుకోండి. ఇందులోని విటమిన్ బి, పొటాషియం మనస్సును ప్రశాంతంగా ఉంచుతుంది. అంతేగాకుండా కోపాన్ని నియంత్రిస్తుంది. అలాగే వాల్ నట్స్‌ కూడా కోపాన్ని అదుపుచేస్తాయి. ఇందులో ఒమేగా త్రీ ఫ్యాటీ యాసిడ్స్ ఎప్పటికీ మనస్సును కూల్ అండ్ హ్యాపీగా ఉంచుతాయి.
ఇకపోతే.. న్యూడిల్స్ తీసుకుంటే కోపాన్ని కంట్రోల్ చేసుకోవచ్చట. వీటిని చాలామంది పక్కనపెట్టేస్తారు. అయితే కోపాన్ని తగ్గించుకోవాలంటే న్యూడిల్స్ తీసుకోవాల్సిందే అంటున్నారు ఆరోగ్య నిపుణులు. కానీ తీసుకునే న్యూడిల్స్‌లో స్పైసీ, గ్రేవీలను మాత్రం జోడించకుండా ప్లైన్ న్యూడిల్స్ తీసుకోవాలని.. వాటిలో మిరియాల పొడి.. కూరగాయల తురుమును యాడ్ చేసుకుంటే సరిపోతుందని ఆరోగ్య నిపుణులు అంటున్నారు.
వీటితో పాటు పీనట్ బటర్, గ్రిల్డ్ చీజ్, బేక్డ్ పొటాటోస్ వంటివి తీసుకోవాలి. ఈ డైట్ ప్లాన్‌తో పాటు వ్యాయామం, యోగా వంటివి చేస్తే ఆరోగ్యంగా ఉండటంతో పాటు అందంగానూ ఉండవచ్చునని న్యూట్రీషన్లు అంటున్నారు. ఒత్తిడి, కోపాన్ని తగ్గిస్తేనే ముఖం ప్రత్యేక అందాన్ని సంతరించుకుంటుందని వారు చెబుతున్నారు.
