ఉమ్మెత్తను అమ్మే డెలివరీ ప్లాట్ఫారమ్లపై నిషేధం
Datura
ఎఫ్ఎస్ఎస్ఏఐ లైసెన్స్లు లేదా రిజిస్ట్రేషన్ల కింద కొన్ని ఆన్లైన్ ప్లాట్ఫారమ్లలో అమ్మకానికి ఉంచిన ఉమ్మెత్త పండ్లు లేదా విత్తనాలు అధికారుల దృష్టికి రావడంతో ఈ విషయం వెలుగులోకి వచ్చింది. ఆహారంగా లేదా మానవ వినియోగం కోసం ఆన్లైన్ ప్లాట్ఫారమ్ల ద్వారా వీటిని విక్రయించడం, పంపిణీ చేయడం, అమ్మకానికి ఉంచడం లేదా ప్రచారం చేయడం అనేది ప్రజారోగ్యం- ఆహార భద్రత దృష్ట్యా తీవ్ర ఆందోళన కలిగించే అంశమని ఆ శాఖ పేర్కొంది.
ఉమ్మెత్త పండ్లు లేదా విత్తనాలకు సంబంధించిన అన్ని ఆన్లైన్ లిస్టింగ్లు, ప్రకటనలు, ప్రచార కార్యకలాపాలను తక్షణమే నిలిపివేయాలని ఆహార వ్యాపార నిర్వాహకులను ఆ శాఖ ఆదేశించింది. అలాగే భవిష్యత్తులో ఆహారం లేదా మానవ వినియోగం కోసం వీటి అమ్మకం లేదా పంపిణీని ఖచ్చితంగా నిషేధించింది. తదుపరి ఆదేశాలు వచ్చే వరకు అమెజాన్, స్విగ్గీ ఇన్స్టామార్ట్, బిగ్బాస్కెట్ సంస్థల లైసెన్స్ల సస్పెన్షన్ కొనసాగుతుందని తెలిపింది.
