గద్వాల జిల్లాలో 73 అంగన్‌వాడీ పోస్టుల భర్తీకి నోటిఫికేషన్

Written By: సెల్వి

Updated: Tue, 30 Jun 2026 (16:08 IST)

Anganwadi Teacher

జోగులాంబ గద్వాల జిల్లాలోని మూడు ఐసీడీఎస్ ప్రాజెక్టుల పరిధిలో 73 అంగన్‌వాడీ పోస్టుల భర్తీకి జిల్లా కలెక్టర్ రిజ్వాన్ బాషా షేక్ నోటిఫికేషన్ విడుదల చేశారు. మహిళాభివృద్ధి-శిశు సంక్షేమ శాఖ పరిధిలోకి వచ్చే ఈ ఖాళీలలో... గద్వాల, మల్దకల్, మానోపాడు ఐసీడీఎస్ ప్రాజెక్టుల పరిధిలోని గిరిజన ప్రాంతాల్లో 64 అంగన్‌వాడీ టీచర్ పోస్టులు, 9 హెల్పర్ (ఆయా) పోస్టులు ఉన్నాయి. 

అర్హులైన మహిళా అభ్యర్థులు జూలై 8వ తేదీ సాయంత్రం 5 గంటలలోపు ఆన్‌లైన్ విధానంలో మాత్రమే దరఖాస్తు చేసుకోవాలి. పత్రాల పరిశీలన 2026 జూలై 8 నుండి 2026 జూలై 17 వరకు జరుగుతుంది. 

వయోపరిమితి: 01.07.2026 నాటికి 18 నుండి 35 ఏళ్లు. 

అర్హత: అంగన్‌వాడీ టీచర్ (AWT) పోస్టుకు ఇంటర్మీడియట్ ఉత్తీర్ణత

హెల్పర్ (AWH) పోస్టుకు 10వ తరగతి ఉత్తీర్ణత. 

దరఖాస్తు రుసుము ఏమీ లేదు. సంబంధిత ప్రాంతాలకు (హ్యాబిటేషన్లకు) చెందిన అర్హులైన మహిళా అభ్యర్థులు మాత్రమే దరఖాస్తు చేసుకోవాలని అధికారులు తెలిపారు. పూర్తి వివరాలు అధికారిక వెబ్‌సైట్ wdcw.tg.nic.inలో అందుబాటులో ఉన్నాయి.