1. క్రీడలు
  2. క్రికెట్
  3. వార్తలు
  4. Champions Trophy: Ben Stokes hits century as England eliminate Australia

చాంపియన్స్ ట్రోఫీ : ఇంగ్లండ్‌ హ్యాట్రిక్‌ విక్టరీ... ఆస్ట్రేలియా అవుట్‌

చాంపియన్ ట్రోఫీలో భాగంగా ఇంగ్లండ్ హ్యట్రిక్ విజయాన్ని నమోదు చేసింది. దీంతో ఆస్ట్రేలియా టోర్నీ నుంచి నిష్క్రమించింది. ఫలితంగా సెమీస్‌కు బంగ్లాదేశ్‌ చేరింది. శనివారం జరిగిన గ్రూప్‌-ఏ ఆఖరి మ్యాచ్‌లో ఇంగ్

Champions Trophy
చాంపియన్ ట్రోఫీలో భాగంగా ఇంగ్లండ్ హ్యట్రిక్ విజయాన్ని నమోదు చేసింది. దీంతో ఆస్ట్రేలియా టోర్నీ నుంచి నిష్క్రమించింది. ఫలితంగా సెమీస్‌కు బంగ్లాదేశ్‌ చేరింది. శనివారం జరిగిన గ్రూప్‌-ఏ ఆఖరి మ్యాచ్‌లో ఇంగ్లండ్‌ డక్‌వర్త్‌ లూయిస్‌ పద్ధతిలో 40 పరుగులతో ఆస్ట్రేలియాను ఓడించింది. కంగారు జట్లు నిర్దేశించిన 278 పరుగుల లక్ష్య ఛేదనలో ఆతిథ్య జట్టు 40.2 ఓవర్లలో 204/4 స్కోరుతో గెలుపు ముంగిట నిలిచిన సమయంలో వర్షం కారణంగా ఆట ఆగిపోయింది. 
 
తొలుత బ్యాటింగ్ చేసిన ఆసీస్ జట్టు 9 వికెట్ల నష్టానికి 277 పరుగులు చేసింది. పలువురు ఆటగాళ్లు రాణించినప్పటికీ, ఎవరూ భారీ స్కోరు చేయలేకపోవడం ఆ జట్టుకు శాపమైంది. ఫించ్‌ 68, స్మిత్‌ 56, ట్రావిస్‌ హెడ్‌ 71 పరుగులు చేశారు. ఆపై 278 పరుగుల లక్ష్యంతో బరిలోకి దిగిన ఇంగ్లండ్ జట్టు ఆదిలోనే తడబడింది. 35 పరుగులకే 3 వికెట్లు కోల్పోయిన దశలో తొలిసారి ఆటకు వర్షం అంతరాయం కలిగించింది. ఆపై ఆట తిరిగి ప్రారంభమైన తర్వాత మోర్గాన్‌, స్టోక్స్‌ విరుచుకుపడటంతో, 20 ఓవర్లకే 126 పరుగులు సాధించి, వర్షం పడ్డా గెలిచేందుకు కావాల్సిన పరుగులను సాధించింది. 
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
చాంపియన్స్ ట్రోఫీ : భారత్‌కు చావో రేవో.. గెలిస్తేనే సెమీస్‌కు.. మ్యాచ్ రద్దు అయితే?