సంబంధిత వార్తలు
- ఆంధ్రా వంటకాలు... బాగా తినండి... పదిహేను రోజుల పాటు...
- వరలక్ష్మీ వ్రతం ఎలా చేయాలో తెలుసా?
- తిరుమలలో ముగిసిన మహా సంప్రోక్షణ.. భక్తులకు శ్రీవారి దర్శనం
- రాఖీ పండుగ.. అలా వచ్చింది.. సోదరునికే కాదు.. భర్తకు కూడా రాఖీ కట్టొచ్చా?
- ఇపుడు తిరుమల శ్రీవారి మూలవిరాట్టుకి శక్తిలేదా? అందుకే భక్తుల రద్దీ తగ్గిపోయిందా??
రక్షాబంధన్ పండుగ ఎలా వచ్చిందో తెలుసా? ఆగస్టు 26న రాఖీ పండుగ
శ్రావణ మాసంలో అనేక పర్వదినాలు వస్తుంటాయి. ముఖ్యంగా శ్రావణమాసం విష్ణుమూర్తి ప్రీతికరమైన మాసం. ఎందుకంటే విష్ణుమూర్తి జన్మనక్షత్రం కూడా శ్రవణమే కనుక. ఈ నక్షత్రం చంద్రునితో కూడినది కాబట్టి ఈ మాసాన్ని శ్రా
శ్రావణ మాసంలో అనేక పర్వదినాలు వస్తుంటాయి. ముఖ్యంగా శ్రావణమాసం విష్ణుమూర్తి ప్రీతికరమైన మాసం. ఎందుకంటే విష్ణుమూర్తి జన్మనక్షత్రం కూడా శ్రవణమే కనుక. ఈ నక్షత్రం చంద్రునితో కూడినది కాబట్టి ఈ మాసాన్ని శ్రావణ మాసమని అంటారు. అంతేకాకుండా ఈ మాసంలో వర్షాలు ఎక్కువగా కురుస్తుంటాయి. ఆకాశం మబ్బులతో వెండికొండలను తలపిస్తుంటుంది.
పూర్వకాలం శ్రావణమాసంలోనే వేద అధ్యయనం ప్రారంభమయ్యేది. ఈ రోజును రక్షా పౌర్ణమి, జంధ్యాల పున్నమి, రాఖీ పూర్ణిమ, నూలు పున్నమి, నారికేళ పున్నమిగా జరుపుకుంటారు. ఈ పండుగ సోదరులకు చాలా ముఖ్యమైన పండుగ. ఈ రోజున సోదరులకు సోదరీమణులు ఆప్యాయంతో కట్టే రక్షాబంధన్ కార్యక్రమం భారతీయ సంప్రదాయానికి తార్కాణంగా నిలుస్తోంది.
ఈ రక్షాబంధన్ పండుగ గురించి భవిష్యత్ పురాణంలో వివరించారు. విష్ణుమూర్తి దేవతల కోరికల మేరకు బలి చక్రవర్తిని బంధిస్తారు. అయితే ఈ రక్షాబంధనం అతనికి రక్షణగా నిలుస్తుందని విష్ణుమూర్తి బలి చక్రవర్తికి వరమిచ్చారు.
పాల్కురికి సోమనాథుడు ఈ పౌర్ణమిని నూలు పున్నమిగా అభివర్ణించారు. ఎందుకంటే నూలుతో వడికిన జంధ్యాన్ని ఈ రోజున ధరిస్తారు. ఈ పండుగను కర్ణాటకలో నారికేళ పున్నమిగా జరుపుకుంటారు. సోదరసోదరీమణుల అనుబంధానికి చిహ్నంగా రాఖీ పండుగ నిలుస్తోంది. ఈ పండుగ ఈ నెల 26న వస్తోంది.
