ప్రణాళికలు వేసుకుని తింటున్నా లావైపోతూ వుంటే కారణాలు ఇవే...

శరీరం లావుగా మారిపోయి వికారంగా తయారయినప్పుడు పదిమందిలో చాలా ఇబ్బందిగా వుంటుంది. ఆకారంపై కామెంట్లు చేస్తుంటే భరించలేని బాధ కలుగుతుంది. ఐతే ప్రణాళికలు వేసుకుని క్యాలరీలు తగ్గించుకుని తింటున్నా లావవుతుంటే కారణాలు ఏమిటో తెలుసుకోవాల్సిందే.

శరీరం లావుగా మారిపోయి వికారంగా తయారయినప్పుడు పదిమందిలో చాలా ఇబ్బందిగా వుంటుంది. ఆకారంపై కామెంట్లు చేస్తుంటే భరించలేని బాధ కలుగుతుంది. ఐతే ప్రణాళికలు వేసుకుని క్యాలరీలు తగ్గించుకుని తింటున్నా లావవుతుంటే కారణాలు ఏమిటో తెలుసుకోవాల్సిందే.

తగినంత నిద్రలేకపోవడం...

ఎన్నోసార్లు మనం కొద్దిపాటి నిద్రతో సరిపెట్టుకుంటుంటాం. కానీ,తగినంత నిద్రలేకపోతే మన శరీరం మానసిక ఒత్తిడికి గురవుతుంది. దాని ఫలితంగా అధిక శాతంలో శరీరంలో కొవ్వు నిల్వలు పెరిగిపోతాయి. అప్పుడు మనకి కావలసినదానికన్నా ఎక్కువ కేలరీలు చేరి బరువు పెరిగిపోతుంది. తగినంత నిద్రలేకపోవడం, విశ్రాంతిలేకపోవడం వల్ల అలసట,నీరసం కలుగుతాయి. మీరు మీ బరువుని నియంత్రణలో ఉంచుకోవాలంటే ఎప్పుడూ తగినంత సమయం నిద్రపోవాలి.

ఒత్తిడి

మానసిక ఒత్తిడి ఎక్కువకాలం కొనసాగితో మన శరీరంలో రసాయన ప్రక్రియ జరిగి జీర్ణక్రియ మందగిస్తుంది. దీనికి అర్ధం, మీరు రోజూ కేవలం మీకు కావలసిన కేలరీల మీదే దృష్టి సారిస్తే మీ బరువు పెరిగే అవకాశం ఉంది. అలాగే జీర్ణక్రియ మందగించకుండా శ్రద్ధ తీసుకోవాలి. అన్నిటికన్నా మించి ఒత్తిడి వల్ల ముఖ్యంగా నడుముచుట్టూ బరువు పెరుగుతుంది. కాబట్టి, మీ నడుము భాగంలో కొవ్వు పెరిగితే గనుక మీ ఒత్తిడిని తగ్గించుకునే ప్రయత్నం చెయ్యాలి.

మందుల ప్రభావం

కొన్ని మందులు అంటే, ఒత్తిడి, తలనొప్పి, రక్తపోటు, అలాగే హార్మోన్ల రీప్లేస్‌మెంట్ థెరపీ చేయించుకున్నవారు కూడా వాడే మందులవల్ల బరువు పెరగడం జరుగుతుంది. ఈ మందులు ఆకలిని పెంచి శరీరంలోని ఇన్సులిన్ స్థాయిల్నిపెంచుతుంది. ఒక్కోసారి బరువు పెరగడానికి ఏ మందు కారణమో ఖచ్చితంగా కనుక్కోవడం కష్టమౌతుంది. ఎందుకంటే శరీరం మీద ఒక్కో మందు ఒక్కో ప్రభావాన్ని చూపిస్తుంది. ఇలాంటి సందర్భంలో డాక్టర్‌ని సంప్రదించాలి.