బుధవారం, 17 ఏప్రియల్ 2024
  1. ఇతరాలు
  2. ఆరోగ్యం
  3. కథనాలు
Written By సిహెచ్
Last Modified: శనివారం, 15 జనవరి 2022 (22:55 IST)

చిన్నరొయ్యలు లేదా రొయ్యపొట్టుతో కూర భలే టేస్ట్... ఆరోగ్య ప్రయోజనాలు కూడా...

చిన్నగా వుండే ఎండిన రొయ్యలు లేదా రొయ్య పొట్టుతో చేసే వంటకం అద్భుతమైన రుచితో వుంటుంది. పెద్దవి సాధారణంగా చిన్న రొయ్యల కంటే ఖరీదైనవి. ఎండిన రొయ్యల యొక్క నిర్దిష్ట పరిమాణాలు వేర్వేరు వంటకాలకు బాగా సరిపోతాయి. ఉదాహరణకు, పెద్ద రొయ్యలు సూప్‌లను సువాసన చేయడానికి బాగా వుంటాయి. అయితే చాలా చిన్న రొయ్యలతో చేసే ఇగురు కూర కావచ్చు లేదా రొయ్యలు-గోంగూర భలే టేస్టుగా వుంటుంది.

 
ఈ రొయ్యలను తినడం వల్ల కలిగే అతిపెద్ద ప్రయోజనాల్లో ఒకటి ఏమిటంటే అవి బరువు తగ్గించే కార్యక్రమాలలో సహాయపడతాయి. ఈ చిన్నరొయ్యల్లో విటమిన్లు, అయోడిన్, ప్రొటీన్లు, జింక్ పుష్కలంగా ఉంటాయి. అవి కార్బోహైడ్రేట్ల తక్కువ మోతాదులో కలిగి వుంటాయి. అదనపు పౌండ్లను తగ్గించుకోవాలని చూస్తున్న వారికి ఇవి మంచి ఎంపిక. జింక్ ఆకలిని అరికట్టగలదు.

 
జుట్టు కుదుళ్లు గట్టిగా వుంటూ బలంగా వుండేందుకు రాగి మరియు జింక్ అవసరం. రొయ్యలు ఈ రెండు ఖనిజాలను పుష్కలంగా కలిగి ఉంటాయి. జింక్ జుట్టు కణాలతో సహా కణాల ఉత్పత్తికి సహాయపడుతుంది. స్కాల్ప్‌లోని ఆయిల్ గ్లాండ్స్ సక్రమంగా పనిచేయడానికి కూడా ఇది అవసరం. రాగి ఖనిజం జుట్టు రాలడాన్ని తగ్గించడమే కాకుండా, జుట్టు మందం మరియు రంగును మెరుగుపరుస్తుంది.

 
రొయ్యల్లో సెలీనియం వుంటుంది. పుష్కలంగా సెలీనియం తీసుకోవడం వల్ల క్యాన్సర్‌తో మరణించే ప్రమాదాన్ని తగ్గిస్తుందని అధ్యయనాలు సూచించాయి. శరీరం యొక్క రోగనిరోధక శక్తిని బలోపేతం చేయడం ద్వారా, కణితులకు రక్త నాళాలు అభివృద్ధి చెందకుండా నిరోధించడం ద్వారా సెలీనియం కణితుల పెరుగుదలను నిరోధించగలదని నమ్ముతారు. అందువల్ల వారానికో పక్షానికో ఈ రొయ్యలు తింటుంటే మేలు జరుగుతుంది.