నీరసంగా వున్నప్పుడు చెరకురసం తాగితే..? బరువు తగ్గాలంటే?
వేసవిలో నీరసంగా వుందా..? అయితే వెంటనే గ్లాసు చెరకురసం తాగండి. చెరకు రసంలో వుండే సూక్రోజును శరీరం వెంటనే స్వీకరిస్తుంది. తద్వారా అలసట దూరమవుతుంది. అలాగే చెరకు రసంలో ఆరోగ్యానికి మేలు చేసే ఎన్నో గుణాలున్
వేసవిలో నీరసంగా వుందా..? అయితే వెంటనే గ్లాసు చెరకురసం తాగండి. చెరకు రసంలో వుండే సూక్రోజును శరీరం వెంటనే స్వీకరిస్తుంది. తద్వారా అలసట దూరమవుతుంది. అలాగే చెరకు రసంలో ఆరోగ్యానికి మేలు చేసే ఎన్నో గుణాలున్నాయి. అజీర్తిని పోగొట్టి, జీర్ణశక్తిని పెంచడంలోనూ చెరకురసం అద్భుతంగా పనిచేస్తుంది.
జీర్ణాశయంలో పీహెచ్‌ స్థాయిలను సమతుల్యం చేసే పొటాషియం ఇందులో ఉండటంతో ఈ రసాన్ని తాగితే, అజీర్తికి దూరం చేసుకోవచ్చు. చెరకు రసంలో క్యాల్షియం అధికంగా వుండటం ద్వారా ఎముకలు, దంతాలు ఆరోగ్యంగా వుంటాయి.
చిన్నపిల్లల ఎదుగుదలకు చెరకు రసం చక్కగా దోహదపడుతుంది. అంతేకాదు, వెన్నెముక బలంగా ఉండటానికి కూడా చెరకు ఉపయోగపడుతుంది. అలాగే వ్యాధినిరోధక శక్తిని పెంచే గుణాలు చెరకు రసంలో ఎక్కువగా వున్నాయి. కాలేయాన్నీ ఆరోగ్యంగా ఉంచడంలోనూ చెరకు రసం కీలక పాత్ర పోషిస్తుంది. గ్లాసు చెరకురసానికి అరచెక్క నిమ్మరసాన్ని కలిపి తీసుకోవాలి.
రోజుకు ఇలా రెండు సార్లు తాగితే, కాలేయ పని తీరు మెరుగుపడుతుంది. అలాగే శరీరంలో అధికబరువు పెరగడానికి కారణమయ్యే చెడు కొలెస్ట్రాల్‌ను చెరకు రసం బాగా తగ్గిస్తుంది. బరువు తగ్గాలనుకునేవారు రోజూ గ్లాసుడు చెరకు రసం తాగితే మంచి ఫలితం వుంటుంది. అలాగే చెరకు రసం శరీరంలోని టాక్సిన్లను కూడా తొలగిస్తుందని ఆయుర్వేద నిపుణులు సూచిస్తున్నారు.
