ఖర్జూరం వల్ల కలిగే ఆరోగ్య ప్రయోజనాలు
ఎడారి పండు ఖర్జూరాన్ని చూడగానే నోరూరుతుంది. రుచికి రుచి, పోషకాలకు పోషకాలు దీని సొంతం. ఇవి ఈ సీజన్లో ఎక్కువగా లభిస్తాయి. ఈ పండ్లను తినడం ద్వారా శరీరానికి అవసరమయ్యే పోషకాలన్నింటిని భర్తీ చేయవచ్చు. ఖర్జూరం వల్ల కలిగే ఆరోగ్య ప్రయోజనాలు.
*శరీర అవయవాల పనితీరుకు కావలసిన కాల్షియం, ఐరన్, మెగ్నీషం, పొటాషియం, కాపర్, మాంగనీస్ వంటి మినరల్స్ ఖర్జూరంలో ఎక్కువగా ఉంటాయి.
*ఖర్జూరంలో శరీరానికి కావలసిన విటమిన్లు, ప్రోటీన్లు సమృద్ధిగా లభిస్తాయి. అరటిపండులో కన్నా ఎక్కువ ఫైబర్ లభిస్తుంది.
*ఖర్జూరంలో సుక్రోజ్, ఫ్రక్టోజ్, గ్లూకోజ్ చక్కెరలు ఉంటాయి. ఇవన్నీ తొందరగా శక్తినిస్తాయి.
*వీటిలో పీచు ఎక్కువగా ఉంటుంది. ఇది కడుపు ఉబ్బరం వంటి జీర్ణసంబంధమైన సమస్యలను ఆరోగ్యంగా ఉంచుతుంది.
*గర్భం దాల్చిన మహిళలకు ఎక్కువ శక్తి అవసరం. వారికి కావలసిన క్యాలరీలు, పోషకాలు ఖర్జూరంలో లభిస్తాయి.
*వీటిలో విటమిన్ ఎ అధికంగా ఉంటుంది. కాబట్టి ఇవి తింటే కంటి చూపు మెరుగవుతుంది. రేచీకటి సమస్య తగ్గుతుంది.
*వీటిలోని విటమిన్ సి, డి చర్మం యవ్వనంగా, ఆరోగ్యంగా కనిపించేలా చేస్తాయి.
*ఖర్జూరంలో ఐరన్ మాడు భాగానికి రక్తప్రసరణ జరిగేలా చేసి, కేశాలు పెరిగేందుకు దోహదపడుతుంది. అంతేకాదు జట్టు రాలిపోవడాన్ని నివారిస్తుంది.
