వాట్సాప్ ద్వారా ఎల్ఐసీ సేవలు.. 8976862090కి 'హాయ్' అని పంపితే?
భారతదేశంలో అత్యధికంగా ఉపయోగించే యాప్‌లలో వాట్సాప్ ఒకటి. వాట్సాప్ లో కొత్త కొత్త ఫీచర్లు వెలుగులోకి వస్తున్నాయి. ఇటీవల గ్రూప్ లో మాట్లాడుకునే గ్రూప్ కాల్ సదుపాయం, పంపిన మెసేజ్ లను ఒక్కసారి మాత్రమే డిలీట్ చేసే సదుపాయం అందుబాటులోకి వచ్చాయి. అంతేకాకుండా యూపీఐని ఉపయోగించి ఇతరులకు డబ్బు పంపేందుకు, ఇతరుల నుంచి డబ్బులు స్వీకరించేందుకు కొత్త సదుపాయం అందుబాటులోకి వచ్చింది.
తాజాగా లైఫ్ ఇన్సూరెన్స్ కార్పొరేషన్ (ఎల్ఐసీ) సేవలను వాట్సాప్ ద్వారా పొందవచ్చు. ఈ ఏడాది డిసెంబర్ నుంచి ఎల్‌ఐసీలో రిజిస్టర్ చేసుకున్న పాలసీదారులందరూ వాట్సాప్ సదుపాయాన్ని పొందవచ్చు.
ప్రీమియం స్టేట్‌మెంట్ పాలసీదారులు వాట్సాప్ చాట్ బాక్స్ ద్వారా ULIP ప్లాన్ స్టేట్‌మెంట్, లోన్ రీపేమెంట్ కొటేషన్, బోనస్ సమాచారం ఇంకా LIC అనేక ఇతర సేవలను పొందవచ్చు.
వాట్సాప్‌లో ఈ సదుపాయాన్ని పొందడానికి, నమోదు చేసుకున్న ఎల్‌ఐసి పాలసీదారులు వారి వాట్సాప్ నుండి 8976862090కి 'హాయ్' అని సందేశం పంపాలి. ఆ తర్వాత మీరు LIC చాట్ బాక్స్ సహాయంతో దాని అన్ని సేవలను పొందవచ్చు.
