Sukha Maharishi: శుక మహర్షి ఎవరు? గురువారం పూజిస్తే?
Sukha Maharishi
వేదవ్యాసుడు ఒకసారి అరణ్యంలో తపస్సు చేసుకుంటుండగా, అక్కడ ఒక అప్సరస ఘృతాచి అనే పేరుగల చిలుక (శుకము) రూపంలో సంచరిస్తూ కనిపించింది. ఆమెను చూసినప్పుడు వ్యాసుడికి కలిగిన సంకల్పం వల్ల, అరణి (యజ్ఞం కోసం వాడే కట్టె) నుండి ఒక దివ్యమైన బాలుడు జన్మించాడు. ఆ బాలుడు చిలుక ముఖ వర్చస్సుతో, దైవిక తేజస్సుతో జన్మించడం వల్ల ఆయనకు శుకుడు అని పేరు పెట్టారు.
శుకమహర్షి జీవితంలో అత్యంత ఘట్టం పరీక్షిత్తు మహారాజుకు భాగవతాన్ని వినిపించడం. తక్షకుడనే పాము కాటు వల్ల ఏడు రోజుల్లో మరణిస్తావు అనే శాపానికి గురైన పరీక్షిత్తు రాజు, గంగానది తీరంలో మోక్ష మార్గం కోసం ప్రాయోపవేశం (ఉపవాస దీక్ష) చేశాడు. ఎందరో మహర్షులు అక్కడికి వచ్చారు. కానీ, ఎవరికీ రాజుకు ఏడు రోజుల్లో మోక్షం ఎలా ప్రసాదించాలో పాలుపోలేదు.
ఆ సమయంలో, దిగంబరుడిగా, పరమ శాంతుడిగా 16 ఏళ్ల ప్రాయం ఉన్న శుకమహర్షి అక్కడికి విచ్చేశారు. ఆయనను చూడగానే మహర్షులందరూ లేచి నిలబడి గౌరవించారు.
పరీక్షిత్తు రాజు అడిగిన ప్రశ్నలకు సమాధానంగా, శుకమహర్షి ఆ ఏడు రోజుల్లో పరమాద్భుతంగా శ్రీమద్భాగవత పురాణాన్ని వినిపించారు. ఆ అమృతవాణిని విన్న పరీక్షిత్తు మహారాజు, మరణ భయాన్ని వీడి, మనసును శ్రీకృష్ణుడిపై లగ్నం చేసి పరమపదాన్ని (మోక్షాన్ని) పొందాడు. అలాంటి మహిమాన్వితమైన శుక మహర్షిని గురువారం, ఆదివారం పూట స్మరించడం ద్వారా సమస్త అభీష్టాలు చేకూరుతాయి.
