Sri Krishna Janmashtami | Janmashtami Photos | | శ్రీ కృష్ణాష్టకమ్

శ్రీ కృష్ణ జన్మాష్టమి

భజే వ్రజైకమండనం సమస్తపాపఖండనం
స్వభక్త-చిత్తరంజనం సదైవ నందనందనం I
సుపిచ్ఛ-గుచ్ఛ-మస్తకం సునాద-వేణుహస్తకం
హ్యనంగ-రంగసాగరం నమామి కృష్ణనాగరంII1II

మనోజగర్వమోతనం విశాల-లోల-లోచనం
విధూతగోపశోచనం నమామి పద్మలోచనంI
కరారవిందభూధరం స్మితావలోకసుందరం
మహేంద్రమానదారణం నమామి కృష్ణవారణమ్II2II

కదంబసూనుకుండలం సుచారు-గండ-మండలం
వ్రజాంగనైకవల్లభం నమామి కృష్ణదుర్లభంI
యశోదయా సమోదయా సగోపయా సనందయా
యుతం సుఖైకదాయకం నమామి గోపనాయకంII3II

సదైవ పాదపంకజం మదీయమానసే నిజం
దధానముత్తమాలకం నమామి నందబాలకంI
సమస్త-దోష-శోషణం సమస్తలోకపోషణం
సమస్తగోపమానస నమామి కృష్ణలాలసంII4II

భువో భరావతారకం భవాబ్ధికర్ణధారకం
యశోమతీకిశోరకం నమామి దుగ్ధచోరకంI
దృగంతకాంతభంగినం సదాసదాలసంగినం
దినే దినే నవం నవం నమామి నందసంభవంII5II

గుణాకరం సుఖాకరం కృపాకరం కృపావరం
సురద్విషన్నికందనం నమామి గోపనందనంI
నవీనగోపనాగరం నవీనకేలిలంపటం
నమామి మేఘసుందరం తడిత్ప్రభాలసత్పటంII6II

సమస్తగోపనందనం హృదంబుజైకమోహనం
నమామి కుంజమధ్యగం ప్రసన్నభానుశోభనంI
నికామకామదాయకం దృగంతచారుసాయకం
రసాలవేణుగాయకం నమామి కుంజనాయకంII7II

విగ్దధ-గోపికామనో-మనోజ్ఞ-తల్పశాయినం
నమామి కుంజకాననే ప్రవృద్ధ-వాహ్ని-పాయినంI
యదా తదా యథా తథా తథైవ కృష్ణసత్కథా
మయా సదైవ గీయతాం తథా కృపా విధీయతాంI
ప్రమాణికాష్టకద్వయ జపత్యధీత్య యః పుమాన్
భవేత్ స నంద-నందనే భవే భవే సుభక్తిమాన్II8II

II ఇతి శ్రీమద్శంకరాచార్యవిరచితం కృష్ణాష్టకం సంపూర్ణం II