సారీ ఇప్పుడు చేయలేను: పూజా హెగ్డే, ఏంటి?
టాలీవుడ్లో స్టార్ హీరోయిన్ కిరీటాన్ని మోస్తున్న బ్యూటీఫుల్ పూజా హెగ్డే అటు బాలీవుడ్ హౌస్‌ఫుల్ బాక్సాఫీస్ బ్లాస్ట్‌తో హ్యాపీ హ్యాపీగా ఉంది. రెండేళ్ళ వ్యవధిలో ఊహించని అవకాశాలు, విజయాలతో అందలం ఎక్కేసిన పూజా హెగ్డే కాల్షీట్ల కోసం టాలీవుడ్లో టాప్ నిర్మాతలు ఎదురుచూస్తున్నారు.
తను నటించిన సినిమాల్లో 80 శాతానికి పైగా హిట్ కొట్టడం పూజా హెగ్డే అదృష్టం. అంతేకాకుండా కొన్ని సినిమాలు పరాజయాలను చవిచూసినా చేసిన సినిమాలకు డబ్బులు మాత్రం అనుకున్న విధంగా వచ్చేశాయి. అందుకే పూజాహెగ్డే అంటే నిర్మాతలందరూ క్యూలు కడుతున్నారు.
అయితే తన వద్దకు వచ్చే నిర్మాతలను నొప్పించక రెండు చేతులు పైకెత్తి దణ్ణం పెడుతూ అచ్చ తెలుగు అమ్మాయిలా క్షమించండి అంటూ చెబుతోందట పూజా హెగ్డే. కాల్షీట్లు ఖాళీలేవు. ప్రస్తుతం చాలా బిజీగా ఉన్నాను. ఏమీ అనుకోకండి. మీ ప్రాజెక్టులో నేను ఇప్పుడు చేయలేనంటూ సున్నితంగా చెబుతోందట.
స్టార్ హీరోయిన్‌గా ఉన్నా ఎక్కడా ఎలాంటి అహం లేకుండా నిర్మాతలతో పూజా హెగ్డే ప్రవర్తిస్తున్న తీరు వారిని బాగా ఆకట్టుకుంటోందట. అందుకే నిర్మాతలు పూజా హెగ్డే అంటే ఇప్పటికీ గౌరవమిస్తున్నారని సినీ విశ్లేషకులు భావిస్తున్నారు.
