హీరోయిన్ల ఎంపిక పనుల్లో బిజీగా ఉన్న నేచురల్ స్టార్

shyam singarai
ఠాగూర్| Last Updated: సోమవారం, 22 జూన్ 2020 (12:18 IST)
టాలీవుడ్ నేచురల్ స్టార్ నాని. నాని మరో హీరో సుధీర్ బాబుతో కలిసి నటించిన చిత్రం 'వి'. ఈ చిత్రం విడుదలకు సిద్ధంగా ఉంది. ఇంద్రగంటి మోహనకృష్ణ దర్శకత్వంలో రూపుదిద్దుకున్న ఈ చిత్రాన్ని దిల్ రాజు నిర్మించారు. ఈ చిత్రం ఓటీటీలో రిలీజ్ అంటూ ఈ మధ్య వార్తలు రావడం, వాటిని చిత్రయూనిట్ ఖండించడం తెలిసిందే.

అయితే, ఇక ఈ సినిమా తర్వాత నాని వరుసగా సినిమాలు చేసేందుకు సైన్ చేశారు. ఇప్పటికే 'టక్ జగదీష్' అనే చిత్రం లైన్‌లో పెట్టిన నాని, రాహుల్‌ సాంకృత్యన్‌ దర్శకత్వంలో మరో చిత్రాన్ని ప్రకటించిన విషయం తెలిసిందే. ఈ చిత్రానికి 'శ్యామ్ సింగరాయ్' అనే టైటిల్‌ కూడా ప్రకటించారు. అయితే ఈ చిత్రం కరోనా కారణంగా షూటింగ్ ఆగిపోయింది. లేదంటే ఇప్పటికే సెట్స్‌పై ఉండేది.

అయితే, ఈ చిత్రంలో ముగ్గురు హీరోయిన్లు ఉండనున్నారట. నాని మూడు వైవిధ్య కోణాల్లో నటిస్తున్న ఈ చిత్రంలో ముగ్గురు హీరోయిన్లు నటించనున్నారట. ఈ ముగ్గురి కోసం ఇప్పటికే ఆరుగురిని సెలక్ట్ చేశారని, అందులో నుంచి ముగ్గురుని ఫైనల్ చేసే పనిలో ఉన్నారని టాక్.

రష్మిక మందన్నా, రాశీ ఖన్నా, సాయిపల్లవి, నివేథా ధామస్, నిధి అగర్వాల్, రీతూ వర్మల పేర్లు ఈ చిత్రం కోసం సెలక్ట్ చేసుకున్నారని, ఇందులో ముగ్గురిని ఫైనల్ చేయనున్నారని అంటున్నారు. మరి నాని సరసన నటించే ఆ ముగ్గురు ఎవరో అతి త్వరలోనే వెల్లడించే అవకాశం ఉంది.



దీనిపై మరింత చదవండి :