మంగళవారం, 5 డిశెంబరు 2023
  1. వినోదం
  2. తెలుగు సినిమా
  3. గుసగుసలు
Written By డీవీ
Last Updated : గురువారం, 7 జులై 2022 (19:57 IST)

నిశ్చితార్థం త‌ర్వాత ప్రేమ‌లో ప‌డ్డ విశాల్!

Vishal Engagement photo
Vishal Engagement photo
న‌టుడు విశాల్ ఇప్పుడు ప్రేమ‌లో ప‌డ్డాడ‌ట‌. ఈ విష‌యాన్ని ఇటీవ‌లే ఓ ఛాన‌ల్ ఇంట‌ర్వ్యూలో వెల్ల‌డించారు. తాజాగా ఆయ‌న లాఠీ అనే సినిమా చేస్తున్నాడు. ఈ ప్ర‌మోష‌న్‌లో భాగంగా ఆయ‌న త‌న పెండ్లి గురించి మాట్లాడాడు. 2019లో హైద‌రాబాద్‌కు చెందిన అనీషా విల్లాతో నిశ్చితార్థం జ‌రిగింది. ఆ త‌ర్వాత త్వ‌ర‌లో పెండ్లి చేసుకోబోతున్నాడ‌ని అనుకుంటున్న త‌రుణంలో నిశ్చితార్థం కేన్సిల్ అంటూ సోష‌ల్ మీడియాలో పోస్ట్ చేశాడు. దీంతో ఆయ‌న అభిమానులు ఆశ్చ‌ర్య‌పోతూ నెటిజ‌న్లు ప్ర‌శ్న‌లుకూడా వేశారు.
 
కాగా, ఇప్పుడు తాను ఓ అమ్మాయిని ప్రేమిస్తున్నానంటూ.. ప్రేమ‌, పెండ్లి విష‌యమై యాంక‌ర్ అడిగిన ప్ర‌శ్న‌కు స‌మాధాన‌మిచ్చాడు. ఈసారి పెద్ద‌లు కుదిర్చిన సంబంధం చేసుకోను. నాకు ఇష్ట‌మైన అమ్మాయిని చేసుకుంటాన‌ని స్టేట్‌మెంట్ ఇచ్చాడు. గ‌తంలోనే విశాల్‌, వ‌ర‌ల‌క్ష్మిని ప్రేమించాడ‌నే వార్త‌లుకూడా వ‌చ్చాయి. ఇద్ద‌రూ మంచి స్నేహితుల‌మ‌ని వ‌ర‌ల‌క్ష్మీ ఆ త‌ర్వాత తెలియ‌జేసింది. స‌రైన స‌క్సెస్ లేని విశాల్ ఇప్పుడు ఫోక‌స్ అంతా కెరీర్‌పైనే పెడ‌తానంటున్న విశాల్ న‌డిగ‌ర్ సంఘం భ‌వంతి ప‌ని కూడా పూర్తి చేయాల‌నేది కూడా తెలియ‌జేస్తున్నాడు. మ‌రి ఏం జ‌రుగుతుందో చూడాల్సిందే.