"ఆర్ఆర్ఆర్" నుంచి ‘నా పాట సూడు.. నా పాట సూడు.. వీర నాటు నాటు...’ రిలీజ్
సినీ ప్రేక్షకులంతా ఎంతో ఆత్రుతగా ఎదురు చూస్తున్న‘ఆర్ఆర్ఆర్’ మాస్‌ ఆంథమ్‌ ‘నాటు నాటు’ వచ్చేసింది. రామ్ చరణ్‌, ఎన్టీఆర్ హీరోలుగా దర్శకుడు రాజమౌళి తెరకెక్కిస్తున్న పాన్‌ ఇండియా మూవీ ఆర్ఆర్ఆర్ నుంచి బుధవారం నాటు నాటు పాటను చిత్ర బృందం విడుదల చేసింది.
‘నా పాట సూడు.. నా పాట సూడు.. వీర నాటు నాటు...’ అంటూ సాగే ఈ సాంగ్‌లో రామ్‌చరణ్‌, ఎన్టీఆర్ స్టెప్పులు అందరినీ ఆకట్టుకునేలా ఉన్నాయి. ఈ గీతానికి కీరవాణి స్వరాలు అందించగా, చంద్రబోస్‌ సాహిత్యం అందించారు. రాహుల్‌ సిప్లిగంజ్‌, కాలభైరవ ఆలపించారు. ఇప్పటికే విడుదలైన తొలి గీతం ‘దోస్తీ’కి విశేష స్పందన లభించింది.
ఈ భారీ బడ్జెట్‌ చిత్రాన్ని డీవీవీ ఎంటర్‌టైన్‌మెంట్స్‌ పతాకంపై డీవీవీ దానయ్య నిర్మిస్తున్నారు. రామ్‌చరణ్‌ అల్లూరి సీతారామరాజుగా, ఎన్టీఆర్ కొమురం భీమ్‌గా సందడి చేయనున్నారు. ఆలియా భట్‌, శ్రియ, సముద్రఖని, ఒలివియా మోరిస్‌, అజయ్‌ దేవ్‌గణ్‌ కీలకపాత్రలు పోషించారు.
