Narne Nithinఫ బొగ్గు గనుల నేపథ్యంలో నార్నే నితిన్..NN6 చిత్రం
NN6: Narne Nithin's new poster
మేకర్స్ విడుదల చేసిన అనౌన్స్మెంట్ వీడియో ప్రేక్షకుల దృష్టిని వెంటనే ఆకర్షిస్తోంది. విస్తారమైన భూగర్భ బొగ్గు గనుల్లో చీకటి, దుమ్ము, పొగల మధ్య సాగే ప్రపంచాన్ని ఇందులో ప్రజెంట్ చేశారు. ఆ కఠిన పరిస్థితుల నడుమ నార్నే నితిన్ కనిపించే తీరు ఆసక్తిని రేకెత్తిస్తోంది.
మైనర్ హెల్మెట్, వర్కర్ దుస్తుల్లో రఫ్ అండ్ రగ్గడ్ లుక్లో కనిపించిన నార్నే నితిన్ పూర్తిగా కొత్త అవతార్లో ఆకట్టుకున్నారు. ఆయన కళ్లలో కనిపించే తీవ్రత, హావభావాలు, కష్టాలను ఎదుర్కొంటూ ముందుకు సాగే పాత్రను సూచిస్తున్నాయి. వందలాది మంది కార్మికుల మధ్య, ఆయన ప్రయాణం ప్రత్యేకంగా ఉండబోతుందనే సంకేతాలను వీడియో అందించింది.
ఈ ప్రకటనతోనే సినీ అభిమానుల్లో ఆసక్తిని పెంచిన #NN6 చిత్రానికి సంబంధించిన నటీనటులు, సాంకేతిక నిపుణులు, నిర్మాణ వివరాలను త్వరలోనే ప్రకటించనున్నట్లు మేకర్స్ వెల్లడించారు.
