ఆర్ఆర్ఆర్: రామ, రావ‌ణ పాత్రలా వుంటుందా? ఎన్టీఆర్‌ది నెగటిల్ షేడా?
మెగా వారసుడు రామ్ చరణ్, నందమూరి యంగ్ టైగ‌ర్ ఎన్టీయార్ కాంబినేష‌న్‌లో ద‌ర్శ‌క ధీరుడు రాజ‌మౌళి రూపొందిస్తున్న భారీ మ‌ల్టీస్టార‌ర్‌ను డీవీవీ దాన‌య్య నిర్మిస్తున్న సంగ‌తి తెలిసిందే. అయితే ప్ర‌స్తుతం షూటింగ్ ద‌శ‌లో ఉన్న ఈ సినిమా గురించి తాజాగా ఓ అప్‌డేట్ వెలుగు చూసింది.
ఈ సినిమాలో రామ్ చరణ్, ఎన్టీయార్ పాత్ర‌ల గురించి జాతీయ మీడియాలో ఓ ఆస‌క్తిక‌ర క‌థ‌నం వినిపిస్తోంది. ఈ సినిమాలో రామ్ చరణ్ పోలీస్ అధికారిగా క‌నిపించ‌బోతూంటే ఎన్టీయార్ ఫారెస్ట్ ఆఫీసర్ పాత్ర‌లో కనిపించబోతున్నాడట. ఇక రామ్ చరణ పాత్ర రాముడి త‌ర‌హాలో ఉండబోతుండగా.. ఎన్టీయార్ పాత్ర మాత్రం కాస్త నెగిటివ్ షేడ్‌లతో రావ‌ణుడి శైలిలో ఉంటుంద‌ట.
ఈ సినిమాలో క‌థానాయిక‌లుగా బాలీవుడ్ హీరోయిన్లు ఆలియా భ‌ట్‌, ప‌రిణీతి చోప్రాను తీసుకోవాల‌ని కూడా రాజ‌మౌళి యోచిస్తున్నార‌ట. అయితే హీరోయిన్ల గురించి ఇంత వరకు ఎటువంటి అధికారిక ప్ర‌క‌ట‌న రాలేదు. కాగా... ఎన్టీఆర్ నెగిటివ్ షేడ్‌లతో నటించిన జై లవ కుశ ఆశించనంత మేరకు ఆకట్టుకోలేకపోవడంతో ఈ సినిమా గురించి అభిమానులు కాస్త ఆందోళనగానే ఉన్నట్లు తెలుస్తోంది.
